ވ. އަތޮޅު ކުޑައަންބަރާ ކައިރީގައި އޮތް ”ޔަސާވާ ޕްރިންސަސް“ ނަމަކަށް ކިޔާ ސަފާރީއެއްގައި އަލިފާން ރޯވެއްޖެއެވެ.
އެމްއެންޑީއެފުން ބުނީ، ”ޔަސާވާ ޕްރިންސަސް“ ނަމަކަށް ކިޔާ ސަފާރީއެއްގައި އަލިފާން ރޯވެގެން އެމްއެންޑީއެފް ފަޔާ އެންޑް ރެސްކިޔު ސާވިސްއިން ހަރަކާތްތެރިވާން ފަށާފައިވާ ކަމަށެވެ.
ނަމަވެސް އެ ހާދިސާއާ ގުޅޭ އިތުރު ތަފްސީލެއް އެމްއެންޑީއެފުން ހާމަކޮށްފައެއް ނުވާއިރު، ސަފާރީގައި ތިބި މީހުންގެ އަދަދާއި ސަފާރީގައި ތިބި މީހުންގެ ތެރެއިން މީހަކަށް މި ހާދިސާގައި އަނިޔާވި ކަމެއް އަދި ސާފެއް ނުވެ އެވެ.
އެމްއެންޑީއެފުން ހިއްސާކުރި ފޮޓޯއިން ފެންނަ ގޮތުގައި ސަފާރީގެ ކުރީކޮޅުގައި އޮތީ އަލިފާން ވަރަށް ބޮޑަށް ރޯވެފައެވެ.
