ކުރީގެ ރައީސް މުޙައްމަދު ނަޝީދު އަވަހާރަ ކޮށްލަން ދިން ބޮމުގެ ހަމަލާގެ ޝަރިއަތެއް ނުބާއްވާތާ އަށެއްކަ މަސް ފަހުން މިއަދު ބާއްވަން އުޅުނު ޝަރީއަތުގެ އަޑުއެހުން ކުރިއަށް ނުގެންދެވި ކެންސަލް ކުރަން ޖެހިއްޖެއެވެ. މިއަދު ތާވަލުކުރި އަޑުއެހުން ކެންސަލް ކުރީ ދައުވާ ލިބޭ އަލީ ހައިޝަމްގެ ދިފާއީ ވަކީލް ކޯޓަށް ހާޒިރު ނުވެގެންނެވެ. ވަކީލު ބަލިވެ އުޅޭ ކަމަށް ބުނެ ވަކީލް ވަނީ މިއަދު ސަލާމް ފޮނުވާފައެވެ. އެހެންނަމަވެސް ވަކީލް ހުށަހަޅާފައިވާ މެޑިކަލް ލިޔުމާއި ސިޓީއާ ދެމެދު ފުށުއެރުންތަކެއް ހުރުމުން މައްސަލަ ބައްލަވާ ގާޒީ ވަނީ މިއަދުގެ އަޑުއެހުން ކުރިޔަށް ގެންދިޔުމަށް ނިންމާވަފައެވެ. ގާޒީގެ މި ނިންމުމާއި ދައުލަތުންވެސް އަދި މައްސަލަ ރައްދުވާ ހައިޝަމްވެސް ވަނީ ދެކޮޅު ހަދާފައެވެ. ހައިޝަމް ބުނީ އޭނާ އަޑުއެހުން ކުރިއަށް ގެންދަން ބޭނުންވަނީ ވަކީލާ އެކުގައިކަމަށެވެ. އަނެއްކޮޅުން ދައުލަތުން ބުނީ މިއަދު އޮތީ ހެކިބަސް ނެގުންކަމުން މި މަރުހަލާގައި ވަކީލުންގެ ފުރުސަތު ވަރަށް މުހިންމުވާނެ ކަމަށެވެ މި ވާހަކަތަކަށް ރިޔާއަތްކޮށް މައްސަލަ ބައްލަވާ ގާޒީ ވަނީ މިއަދުގެ އަޑުއެހުން ކެންސަލްކޮށްލާފައެވެ. ގާޒީ ވިދާޅުވީ މި މައްސަލަ ލަސްވާތީ ޖުޑިޝަލް ސާވިސް ކޮމިޝަން (ޖޭއެސްސީ) އިން ވެސް ޝަކުވާ ހުށަހަޅަމުންދާ ކަމަށެވެ. މި މައްސަލައިގައި މިހާރު އޮތީ ހެކިންގެ ހެކިބަސް ނެގުމެއެވެ. ރައީސް ނަޝީދަށް ހަމަލާ ދިން މައްސަލައިގައި ދައުލަތުން ދައުވާކޮށްފައިވާ މީހުންނަކީ މއ. ފޭރުގެ މުޖާޒް އަހްމަދާއި، އ. ކޮނޑޭ، ފޮޅޭމާ، ތަހުމީން އަހްމަދާއި، ނ. މަނަދޫ ނޫރީގެ އަލީ ހައިޝަމްގެ އިތުރުން ގއ. ވިލިނގިލި ހުދުރުވާގެ، ފަހުމީ އަލީ އާއި، އއ. މާޅޮސް އަސަރީގެ، މުހައްމަދު ނާޒިމް އަދި މ. ކުދެހިގެ އިސްހާގެވެ. މިއަދުގެ އަޑުއެހުން ކެންސަލްކުރި ނަމަވެސް މާދަމާއަށްވެސް އަޑުއެހުމެއް ވަނީ ތާވަލުކޮށްފައެ
