މާލޭގެ ހެންވޭރުގައި ހުންނަ ގެއެއްގެ ފުރާޅު މައްޗަށް މީހަކު ވެއްޓިއްޖެ އެވެ.
ދިވެހި ފުލުހުން ޚިދުމަތުން ބުނީ އެ ހާދިސާގެ ރިޕޯޓް ލިބުނީ މިއަދު ހެނދުނު 7:23 ހާައިރު ކަމަށެވެ.
މި މޢުލޫމާތު ލިބުމާއެކު އެމްއެންޑީއެފް ފަޔާ އެންޑް ރެސްކިއުގެ އެހީތެރިކަމާއެކު އެ މީހާ އައިޖީއެމް ހޮސްޕިޓަލަށް ގެންގޮސް ފަރުވާ ދެމުންދާކަމަށް ފުލުހުން މަޤުލޫމާތު ދެއްވައެވެ.
ފުރާޅު މައްޗަށް ވެއްޓި އަނިޔާވީ އުމުރުން 21 އަހަރުގެ ދިވެހި އަންހެނަކަށެވެ.
އެ އަންހެން މީހާ ވެއްޓެން ދިމާވި ސަބަބެއް އަދި ސާފުނުވާއިރު ވެއްޓުނީ ކިހާ އުސް މިނަކުންްކަން ވެސް ސާފެއް ނުވެއެވެ. އެހެނަސް ބައެއް މަސްދަރުތަކުން ބުނާ ގޮތުން އެ އަންހެން މީހާ ގެއެއްގެ ފުރާޅު މައްޗަށް ވެއްޓުނީ އެތާ ކައިރި ހުރި އެހެން އިމާރާތެއްގެ މަތިންކަމަށްވެއެވެ. މި ހާދިސާގައި، އޭނާ އެތަނަށް ވެއްޓުނު ގޮތެއް ފުލުހުން އަދި ހާމަ ނުކުރާތީ އެކަން ވަނީ ޔަޤީނެއް ނޫނެވެ.
އެ މީހާ ފުރާޅުމަތީ ވެއްޓިފައި އޮތް މަންޒަރު ފެންނަ ފޮޓޯތަކެއް މިހާރު ދަނީ ސޯޝަލް މީޑިއާގައި ދައުރުވަމުންނެވެ. ފުލުހުން ވަނީ އެފަދަ ފޮޓޯތައް ދައުރު ނުކުރުމަށް އިލްތިމާސް ކުރަމުންނެވެ.
މި މައްސަލަ އިތުރަށް ތަހުގީގުކުރަމުން އަންނަ ކަމަށް ވެސް ފުލުހުން ބުންޏެވެ
އަދި ބުނީ މި މައްސަލަ ތަހުޤީޤު ކުރަމުންދާ ކަމަށެވެ.
