ކުރީގެ އިމިގްރޭޝަން ކޮންޓްރޯލަރ މުހައްމަދު ޝައްމާން ވަހީދުގެ ބަންދަށް 15 ދުވަސް ޖަހައިފިއެވެ.
ފުލުހުންގެ މީޑިއާ އޮފިޝަލް ވިދާޅުވީ ކޯޓު އަމުރެއްގެ ދަށުން ހުކުރު ދުވަހުގެރޭ ހައްޔަރުކުރި ޝައްމާނުގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހޮނިހިރު ދުވަހު ހާޒިރުކުރުމުން 15 ދުވަހަށް ބަންދުކޮށްފައިވާ ކަމަށެވެ. ކޯޓު އަމުރެއްގެ ދަށުން ފުލުހުން އޭނާ ހައްޔަރު ކޮށްފައިވަނީ އެއިދާރާގެ ޑިޓެންޝަން ސެންޓަރަށް ގެންދިޔަ ބިދޭސީއަކު ދޫކޮށްލުމަށްފަހު، އެ މީހާގެ އަތުން ފައިސާތަކެއް ހޯދި ކަމަށް ތުހުމަތު ކުރާ މައްސަލައިގެ ތަހުގީގަށެވެ.
އެމައްސަލައިގައި ޝާމިލުވި އޮފިސަރުން އެ ފައިސާ ނަގައިގެން ޝަމްއާނު ދިރިއުޅުއްވާ ގެއަށް ދިޔަކަން ފުލުހުންގެ ތަހުގީގަށް ހޯދިފައިވާކަމަށް މީގެކުރިން ފުލުހުން ވިދާޅުވެފައިވެއެވެ. އަދި ފަހުން ފުލުހުންވަނީ ޝަމްއާން ދިރިއުޅުއްވި ގެވެސް ބަލައި ފާސްކޮށްފައެވެ. ޝަމްއާނުގެ ގެ ބަލައި ފާސްކުރިއިރުއިރު އެގެއިން 530،000 ( ފަސް ލައްކަ ތިރީސް ހާސް ) ރުފިޔާ ފުލުހުން ހޯދާފައިވެއެވެ. އަދި ޝަމްއާން ދިރިއުޅޭ ގެ ބަލައިފާސްކުރި ކުރުމުގައި ފުލުހުން ހޯދި ފަސްލައްކަ ތިރީސް ހާސް ރުފިޔާގެ އިތުރުން އިލެކްޓްރޯނިކް ސާމާނުތަކެއްވެސް ފުލުހުންގެ ބެލުމުގެ ދަށަށް ގެންގޮސްފައިވާކަމަށް ފުލުހުން ވިދާޅުވިއެވެ.
މި މައްސަލައިގައި ތަހުގީގަށް ތިން މީހަކު ހަައްޔަރު ކޮށްފައިވާކަން ފާހަގަކުރެވެއެވެ. އެހެނަސް އެމީހުންގެ ވަނަވަރު ފުލުހުން އަދި ހާމަކޮށްފައެއްނުވެއެވެ.
