ޤާނޫނު އަސާސީ އިސްލާހު ކުުރުމުގެ ބާރު އޮތީ ރައްޔިތުންގެ މަޖިލީހަށް ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
މިގޮތުން ރައީސް ނަޝީދު އެކްސްގައި ކުރެއްވި ޕޯސްޓެއްގައި ވިދާޅުވީ ޤާނޫނު އަސާސީގެ ނަޒަރުގައި ޤާނޫނު އަސާސީ ބަދަލުކުރާނަމަ ރައްޔިތުންގެ ފެންނަ ނުފެންނަ ވޯޓެއް ނަގަންޖެހޭނެ ކަމަށެވެ. އަދި ޤާނޫނު އަސާސީ ބަދަލުކުރުމުގެ ބާރު އޮންނާނީ ”ސީދާ“ ރައްޔިތުންނަަށް ކަމަށްވެސް އެމަނިކުފާނު ވިދާޅުވިއެވެ.
ރައީސް ނަޝީދު މިފަދައިން ވިދާޅުވެފައިވަނީ މިހާރު ސުޕްރީމް ކޯޓުގައި ކުރިއަށްދާ، މަޖިލީހުގެ މެންބަރުން ޕާޓީ ބަދަލުކުރުން ހުއްޓުވުމަށް ޤާނޫނުއަސާސީއަށް ގެންނަވާފައިވާ އިޞްލާޙު ބާޠިލުކުރުމުގެ މައްސަލައަށް އިޝާރާތްކުރައްވައެވެ. މިގޮތުން ޤާނޫނުއަސާސީގެ ނަޒަރުގައި ޤާނޫނުއަސާސީ ބަދަލުކުރާ ނަމަ، ރައްޔިތުންގެ ފެންނަ ނުފެންނަ ވޯޓެއް ނަގަން ޖެހޭނެ ކަމަށް ނަޝީދު ފާހަގަ ކުރެއްވި އެވެ.
މިހާރު ސުޕްރީމް ކޯޓުގައި އޮތް އެ މައްސަލައަށް އިދިކޮޅު އެމްޑީޕީން ތަދައްޚުލު ވެފައި ވާއިރު، ރައީސް ނަޝީދުގެ ޕާޓީ ދި ޑިމޮކްރެޓްސްއިން ވެސް ވަނީ އެ މައްސަލައަށް ތަދައްހުލުވެފައެވެ. ނަމަވެސް ޑިމޮކްރެޓްސްއިން އެ މައްސަލައިގެ އަޑުއެހުންތަކަށް ހާޒިރުވެފައެއްނުވެއެވެ.
