ތިމާވެއްޓާ ރަށްޓެހި ޓެކްސީ ފްލީޓަކާ އެކު މާލެ ސަރަހައްދުގައި ޓެކްސީގެ ޚިދުމަތް ފެށުމަށް އެމްޓީސީސީ އާ ހަވާލުކޮށްފި އެވެ.
މާލެ ސަރަހައްދުގައި އިލެކްޓްރޯނިކް ޓެކްސީ (އީވީ) ގެ ހިދުމަތް ދޭން އެމްޓީސީސީ އާ ހަވާލުކޮށްފައި ވަނީ މިއަދު މީރުމާގެ ކާނިމާ މާލަމުގައި ބޭއްވި ހާއްސަ ރަސްމިއްޔާތެއްގަ އެވެ.
ބޭއްވި މިރަސްމިއްޔާތުގައި އެއްބަސްވުމުގައި ޓްރާންސްޕޯޓް މިނިސްޓްރީގެ ފަރާތުން ސޮއިކުރެއްވީ އެ މިނިސްޓްރީގެ ޑިރެކްޓަ ޖެނެރަލް އަހްމަދު ޝަމީމެވެ. އަދި އެމްޓީސީސީގެ ފަރާތުން ސޮއިކުރައްވާފައި ވަނީ އެ ކުންފުނީގެ މެނޭޖިން ޑިރެކްޓަރު އަހްމަދު ސައުދީ އެވެ.
ރަސްމިއްޔާތުގައި ޓްރާންސްޕޯޓް މިނިސްޓަރު މުހައްމަދު އަމީން ވިދާޅުވީ ޓެކްސީގެ ހިދުމަތަކީ އަސާސީ ހިދުމަތެއް ކަމަށެވެ. މިއަދު އިފުތިތާހުކުރި ޚިދުމަތަކީ ރައީސް ޑރ. މުހައްމަދު މުއިއްޒުގެ އިސްނެންގެވުމާ އެކު ޓެކްސީ ޚިދުމަތާ ގުޅިގެން ކުރިމަތިވާ ދަތިތަކަށް ހައްލު ހޯދައިދިނުމަށް ސަރުކާރުން ނިންމި ނިންމުމެއްގެ ފެށުން ކަމަށް ފާހަކުރެއްވެވިއެވެ. އަދި ޓެކްސީގެ ހިދުމަތާ ގުޅޭގޮތުން ކުރި ބައެއް ދިރާސާތަކުން ދައްކާ ގޮތުން ރައްޔިތުން ޚިދުމަތް ލިބިގަތުމުގައި ބޮޑެތި ގޮންޖެހުންތަކެއް ހުރިކަން ފާހަގަކުރެވިފައިވާ ކަމަށެވެ.
އިތުރަށް، މިނިސްޓަރު އަމީން ވިދާޅުވީ ޓެކްސީގެ ޚިދުމަތަކީ އަސާސީ ޚިދުމަތެއް ކަމަށެވެ. މިއަދު އިފުތިތާހުކުރި ޚިދުމަތަކީ ޓެކްސީ ހިދުމަތާ ގުޅިގެން ކުރިމަތިވާ ދަތިތަކަށް ހައްލު ހޯދައިދިނުމަށް ސަރުކާރުން ނިންމި ނިންމުމެއްގެ ފެށުން ކަމަށެވެ.
ޓެކްސީގެ ޚިދުމަތާ ގުޅޭގޮތުން ކުރި ބައެއް ދިރާސާތަކުން ދައްކާ ގޮތުން ރައްޔިތުން ޚިދުމަތް ލިބިގަތުމުގައި ބޮޑެތި ގޮންޖެހުންތަކެއް ހުރިކަން ފާހަގަކުރެވިފައިވާކަމަށެވެ.
މިރަސްމިއްޔާތުގައި ވާހަކަ ދައްކަވަމުން ސައުދީ ވިދާޅުވި ގޮތުގައި އާ އަހަރާ އެކު އެ ކުންފުންޏާ ހަވާލުކުރެވުނީ އާ ޒިންމާއެއް ކަމުގަ އެވެ. އަދި ޓެކްސީގެ ޚިދުމަތް ހޯދާ ފަރާތްތަކަށް ދަތިތަކާ ކުރިމަތިލާން ޖެހިފައިވާ ކަމުގަ އެވެ. ވުމާ އެކު އެމްޓީސީސީން މަސައްކަތް ކުރާނީ އެ ޒިންމާ އޭގެ އެންމެ ފުރިހަމަ ގޮތުގައި ހިދުމަތް ހޯދާ ފަރާތްތަކަށް ފޯރުކޮށްދިނުމަށް ކަމުގަ އެވެ. އެމްޓީސީސީގެ މެނޭޖިން ޑިރެކްޓަރު ވިދާޅުވީ ޕާޓް ޓައިމްކޮށް ޚިދުމަތް ދިނުމުގައި މަސައްކަތްކުރާ ފަރާތްތަކަށް ކަނޑައެޅިފައިވާ އުޖޫރަ ހަފުތާއަކު ނުވަތަ ދެ ހަފުތާއިން އެއްފަހަރު ދޭ ގޮތަށް ޑިޒައިން ކުރުމުގެ މަސައްކަތް ކުރަމުންދާ ކަމަށެވެ.
އެމްޓީސީސީން ދަނީ ރާއްޖޭގެ ބައެއް ސަރަހައްދުތަކާ އެކު މާލެ ސަރަހައްދުގައި އާރުޓީއެލް ބަހުގެ ހިދުމަތް ދެމުންނެވެ. އަދި އާރުޓީއެލް ފެރީގެ ހިދުމަތް ބައެއް އަތޮޅުތަކުގައި ވެސް ދެމުންނެވެ.
