ބޯކޮށް ވާރޭވެހި މާލޭސިޓީގެ މަގުތަކުން ފެން ހިއްކުމުގައި ސިފައިން ހަރަކާތްތެރިވާން ފަށައިފިއެވެ.
އިއްޔެއިން ފެށިގެން މޫސުންގޯސްވެ މާލޭސިޓީއަށް ބޯކޮށްވާރޭވެހި މަގުތަކުގައި ފެން ބޮޑުވުމުގެ ސަބަބުން މަގުތަކުން ފެން ހިއްކުމުގައި އެމްއެންޑީއެފްއިން އަންނަނީ ހަރާތެރިވަމުންނެވެ.
މާލޭގެ އެކި ސަރަހައްދުތަކުގައި ހިނގާ ބިނގާވެ އުޅެންދަތިވެ ބައެއްގޭގައަށް ފެންވަނަމުންދާތީވެ އެހީތެރިކަން ފޯރުކޮށްދިނުމަށް ސިފައިންދަނީ ހަރަކާތްތެރިވަމުންނެވެ. މާލޭގެ އައިޖީއެމްއެޗް ކުރިމަތީ ސަރަހައްދުގައި ވަނީ ވަރަށް ބޮޑަށްފެންބޮޑުވެފައެވެ. އަދި ފެންހިއްކުމުގައި ސިފައިން އަންނަނީ މަސައްކަތް ކުރުމުންނެވެ.
މޫސުމާ ބެހޭ ގައުމީ އިދާރާ (މެޓް) އޮފީހުން ވަނީ ލ. އަތޮޅުން އައްޑޫ ސިޓީއަށް ވައިޓް އެލާޓް ނެރެފަ އެވެ. ގަޑިއަކު 22 މޭލާއި 27 މޭލާ ދެމެދުގެ ބާރު މިނުގައި ވައިޖެހި ކަނޑުތައް ގަދަވާނެ ކަމަށް ލަފާކޮށް އެ އެލާޓް ނެރެފައިވަނީ ހެނދުނު 8:50 އިން މެންދުރުފަހު 2:30 ގެ ނިޔަލަށެވެ.
