ހަންގޭރީގައި ކުރިއަށް ދިއަ، އަންހެނުންގެ ޝޯރޓްކޯސް 100 މީޓަރ ބްރެސްޓްސްޓްރޯކް އިވެންޓުގެ ޤައުމީ ރެކޯރޑް ޙަމްނާ އަޙްމަދު އާކޮށްފިއެވެ.
ހާޖޮސް އަލްފްރެޑް ކުޕާ 3 ގައި ޙަމްނާ މިރެކޯރޑް އާކޮށްފައިވަނީ 01.23.76 އިން ރޭސް ނިންމައިގެންނެވެ.
މި އިވެންޓުގެ ޤައުމީ ރެކޯރޑް އެންމެ ފަހުން އާކޮށްފައިވަނީ 2019 ވަނަ އަހަރު ބޭއްވުނު 13 ވަނަ ސައުތު އޭޝިއަން ގޭމްސްގައެވެ.
2019 ވަނަ އަހަރު ބޭއްވުނު 13 ވަނަ ސައުތު އޭޝިއަން ގޭމްސްގައި މި ރެކޯޑް އާކޮށްފައި ވަނީ 01.23.81 އިން ރޭސް ފުރިހަމަކޮށްގެން، އައިޝަތު ސާޖިނާއެވެ.
