ރާއްޖޭގެ ސްކޫލްތަކުގެ ކްލާސްރޫމްތައް އޭސީކުރަން އެޑިއުކޭޝަން މިނިސްޓްރީން ފަށާފައި އޮތް ”ކޫލް ސްކޫލް“ ޕްރޮޖެކްޓްގެ ތެރެއިން ސީއެޗްއެސްއީ އަށް ޗައިނާ އިން އޭސީތަކެއް ހަދިޔާކޮށްފި އެވެ.
’ކޫލް ސްކޫލް“ ޕްރޮޖެކްޓަށް ޗައިނާ އިން ހަދިޔާކުރި އޭސީތައް ހަވާލުކުރަން އިއްޔެ ބޭއްވި ރަސްމިއްޔާތެއްގައި ޗައިނާ ސަރުކާރުގެ ފަރާތުން އޭސީތައް ހަވާލުކޮށްދެއްވީ އެ ގައުމުން ރާއްޖެއަށް ކަނޑައަޅާފައި ހުންނަވާ ސަފީރު، ވަންގް ލިޒިން އެވެ. ސަރުކާރުގެ ފަރާތުން އޭސީތަކާ ހަވާލުވެވަޑައިގެންނެވީ އެޑިއުކޭޝަން މިނިސްޓަރު ޑރ. އިސްމާއިލް ޝަފީޢު އެވެ.
އެޑިއުކޭޝަން މިނިސްޓްރީން ބުނި ގޮތުގައި، އެ އޭސީތައް ހަރުކުރަން ހަމަޖެހިފައި ވަނީ ހުޅުމާލޭ ސީއެޗްއެސްއީގަ އެވެ. ޗައިނާ ސަރުކާރުން ހަދިޔާ ކުރި އޭސީތަކުގެ އަދަދެއް މިނިސްޓްރީން ހާމައެއް ނުކުރެ އެވެ.
ސްކޫލްތައް އޭސީ ކުރުމުގެ ޕްރޮޖެކްޓް ރަސްމީކޮށް ފެށީ ކ. މާފުށީ ސުކޫލުންނެ މި އަހަރުގެ ޖޫން 2 ގަ އެވެ.
