އެއްފަހަރާ ގާތްގަނޑަކަށް 10،000 މީހުންނަށް ނަމާދު ކުރެވޭ ޖާގައާ އެކު ރާއްޖޭގެ އެންމެ ބޮޑު މިސްކިތް ހުޅުމާލޭގައި އަޅަން ފަންޑު ހަމަޖެހި، އަންނަ ސެޕްޓެމްބަރުގައި އެ މިސްކިތުގެ އަމަލީ މަސައްކަތް ފަށާނެ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
ހުޅުމާލެ ދެވަނަ ފިޔަވައްސާއި ތިން ވަނަ ފިޔަވައްސާ ދެމެދު އިމާރާތްކުރާ މިސްކިތް މަޝްރޫއުގެ އިއުލާން ކުރެއްވީ ރައީސް ޑރ. މުހައްމަދު މުއިއްޒު މިއަދު އިއްވެވި ރިޔާސީ ބަޔާނުގަ އެވެ.
އެ މިސްކިތުގެ ތަފްސީލު ދެއްވަމުން މިނިސްޓަރު ޝަހީމް މީޑިއާތަކަށް ފޮނުއްވި މެސެޖުގައި ވިދާޅުވީ އެ މިސްކިތުގެ ބިންގާ އަޅަން ނިންމާފައި ވަނީ ރާއްޖެ އިސްލާމްވިތާ 900 އަހަރު ފުރޭ މުނާސަބަތާ ގުޅިގެން މި އަހަރު ސެޕްޓެމްބަރު 13ވަނަ ދުވަހު ކަމަށެވެ. މިސްކިތުގެ ޖާގަ މުޅިން ކަށަވަރުވާނީ ޑިޒައިން ނިމުމުން ކަމަށް މިނިސްޓަރު ވިދާޅުވި އެވެ.
މިހާރު ރާއްޖޭގެ ހުރި އެންމެ ބޮޑު މިސްކިތަކީ މާލޭގައި ހުރި އިސްލާމީ މަރުކަޒުގެ މަސްޖިދުއްސުލްޠާން މުހައްމަދު ތަކުރުފާނުލް އައުޒަމްއެވެ. އެމިސްިތަކީ ގާތްގަޑަކަށް 4500މީހުން ޖަގައިގެ މިސްކިތެކެވެ.
