ފުލުހުން ބުނީ އެމީހާ ހައްޔަރުކޮށް، އަތުގައި އޮތް ދަބަހެއް ބަލައި ފާސްކުރިއިރު، އެ ދަބަނުން އޭނާ ވަގަށް ނެގިކަމަށް ބެލެވޭ 9 މީބައިލް ފޯނު ފެނިފައިވާކަމަށެވެ.
މާލޭގެ މަޖީދީ މަގުގައި ހުންނަ މޮބައިލް ފޯނު ވިއްކާ ފިހާރަ ’ޒިއޯން މޮބައިލްސް 4‘ މިއަދު ފަތިހު ފަޅާލައި ވައްކަން ކުރި މައްސަލައިގައި މީހަކު ހައްޔަރުކޮށްފި އެވެ.
އެ ފިހާރައިގެ ބިއްލޫރިގަނޑެއް ތަޅާލައިގެން ވައްކަން ފަތިހު 05:35 އެހާކަށްހާއިރު ވައްކަންކުރި މައްސަލައިގައި ހައްޔަރުކުރީ ހއ. މަރަދޫ، ފިނިރޯޅި، އަހުމަދު ނިޔާޒް (47) ކަމަށް ފުލުހުން ބުނެއެވެ. ފުލުހުން އިތުރަށް ބުނީ ހައްޔަރު ކުރި މި މީހާ އަތުގައި އޮތް ދަބަހެއް ބަލައި ފާސްކުރި އިރު، ވަގަށް ނަގާފައި އޮތް ކަމަށް ބެލެވޭ 9 މޯބައިލް ފޯން ފެނިފައިވާކަމަށެވެ. އަދި އިތުރަށް މި މައްސަލަ ތަހުގީގު ކުރަމުން އަންނަކަމަށް ވެސް ފުލުހުން ވަނީ ބުނެފައެވެ.
”ޒިއޯން މޮބައިލް 4“ ގެ ވެރިޔާ ރަފީއުއްދީން ޙަސަން ބުނި ގޮތުގައި ފިހާރަ އިން ވަގަށް ނެގި ތަކެތީގެ އަގު 100،000ރ. އަށް ވުރެ ގިނަ ކަމަށެވެ.
މި މައްސަލަ ފުލުހުން އަންނަނީ އިތުރަށް ތަހުގީގުކުރަމުންނެވެ.
މި ހާދިސާގެ މަންޒަރުގެ ވީޑިއޯ ސޯޝަލް މީޑިއާގައި ވެސް އާންމުވެފައިވާ އިރު، އޭގައި ފެންނަނީ އެކަކު ފިހާރައިގެ ބިއްލޫރިގަނޑު ތަޅައިލާ އިރު، އެހެން ފިހާރައިން އެއްޗެތި ކޮތަޅަކަށް އަޅައިގެންދާ ތަނެވެ.
