އެއްގަމުގައި ދުއްވާ އިންޖީނުލީ އުޅަނދު ރަޖިސްޓްރީކުރުމުގެ ގަވާއިދަށް ގެނެވުނު 6 ވަނަ އިސްލާޙުގެ ދަށުން، ދެފުރޮޅުލީ އެއްގަމު އުޅަނދު ފިޔަވައި، އެހެން ހުރިހާ އުޅަނދެއް، 2025 ޖުލައި 13 ވަނަ ދުވަހުން ފެށިގެން ދިވެހިރާއްޖެއަށް އެތެރެކުރެވޭނީ، މިނިސްޓްރީ އޮފް ޓްރާންސްޕޯޓް އެންޑް ސިވިލްއޭވިއޭޝަނުން ދޫކުރާ އެއްގަމު އުޅަނދު ދިވެހިރާއްޖެއަށް އެތެރެކުރުމުގެ ހުއްދަ ނެގުމަށް ފަހުގައި ކަމުގައި އެމިނިސްޓްރީން ވިދާޅުވެއްޖެއެވެ. ވީމާ މިފަދަ އުޅަނދު ދިވެހި ރާއްޖެއަށް އެތެރެކުރުމުގެ ކުރީން ހުއްދައަށް އެދުމަށް ޓްރާންސްޕޯޓް މިނިސްޓްރީން ކުރައްވާފައިވާ އިއުލާނެއްގައި ވިދާޅުވެފައި ވެއެވެ. މިގޮތުން ހުއްދައަށް އެދި މިނިސްޓްރީގެ ޕޯޓަލް މެދުވެރިކޮށް ހުށެއެޅޭނެ ގޮތް ހަމަޖެހިފައިވާ ކަމަށާއި، އަދި މިނިސްޓްރީގެ ވެބްސައިޓުންނާއި ރިސެޕްޝަނުން ފޯމު ލިބޭނެ ކަމަށް އެމިނިސްޓްރީން ވިދާޅުވެއެވެ.
13 ޖުލައި 2025ގެ ފަހުން ދެފުރޮޅުލީ އުޅަނދު ފިޔަވާ އެހެން އުޅަނދުފަހަރު ރަޖިސްޓްރީއަށް ހުށައަޅާއިރު، އެއުޅަނދެއް ދިވެހިރާއްޖެއަށް އެތެރެކުރުމަށް ނަގާފައިވާ ހުއްދަ ހުށައަޅަން ޖެހޭނެ ކަމަށް މިނިސްޓްރީން ވިދާޅުވެއެވެ.
