މާލެ އަށް ފުރި ލ. މާވަށު ”ހޮޅުދޫ ބޯޓު“ ނަމަކަށް ކިޔާ މުދާ އުފުލާ ބޯޓެއްގައި ވަރަށް ބޮޑަށް ރޯވެ އަނދާފައިވާއިރު، ބޯޓުން ދަތުރު ކުރި ޒުވާނަކު ގެއްލިގެން ހޯދާ ކަމަށް އެރަށު ކައުންސިލުން ވިދާޅުވެއްޖެއެވެ.
ގެއްލިގެން ހޯދަމުންދަނީ ލ.މާވަށަށް ނިސްބަތްވާ 25 އަހަރުގެ ޢަލީ މުޝްފިގް މުހައްމަދު ކަމަށް އެމްއެންޑީއެފުން ވިދާޅުވިއެވެ.
މި ބޯޓުގައި އަލިފާން ރޯވެ އެއްކޮށް އަނދާ ހުލިވެފައިވާއިރު. އެމްއެންޑީއެފުން ވިދާޅުވީ އެ ބޯޓުން ދަތުރު ކުރަމުން ދިޔައީ ކެޕްޓަނާއެކު 18 މީހުންކަމަށެވެ. އޭގެތެެރެއިން އެކަު ފިޔަވައި އެންމެން ސަލާމަތްކޮށްފައިވާކަމަށް އެމްއެންޑީއެފުން ވިދާޅުވިއެވެ
ބައެއް މީޑީއާތަކަށް މައުލޫމާތުދެއްވަމުން ލ. މާވަށު ކައުންސިލްގެ ރައީސް އަޙްމަދު މޫސާ ވިދާޅުވީ، އެބޯޓަކީ ތ. ހިރިލަންދޫން މާލެއަށް ދަތުރުކުރަމުން ދިޔަ ބޯޓެއްކަމަށެވެ. އެއީ މާވަށަށްވެސް ދަތުރުކުރާ ބޯޓެއްކަމަށާއި، އެބޯޓުން މާވަށް އަލި ހިރިލަންދޫ މީހުންވެސް ދަތުރުކުރާކަމަށް ކައުންސިލްގެ ރައީސް ވިދާޅުވިއެވެ. ބޯޓުގައި ރޯވުމުން އެންމެން މޫދަށް ފުންމާލީ ކަމަށް ލ. މާވަށު ކައުންސިލްގެ ރައީސް އަޙްމަދު މޫސާވަނީ ވިދާޅުވެފައެވެ. ނަމަވެސް ދަތުރުކުރި މީހުންގެ ތެރެއިން ޒުވާނަކު ގެއްލިގެން ހޯދާ ކަމަށާއި އޭނާގެ ހަބަރެއް އަދި ނުލިބޭ ކަމަށް އަހުމަދު މޫސާ ވަނީ ވިދާޅުވެފައެވެ. އަހުމަދު މޫސާ ވިދާޅުވިގޮތުގައި ބޯޓުގައި އެންމެ ފުރަތަމަވެސް އަލިފާން ރޯވީ ލައިފްޖެކެޓް ހުންނަ ތަނުގައެވެ. މިއާއެކު ބޯޓުން ދަތުރުދަތުރު ކުރި މީހުންނަށް ލައިފްޖެކެޓެއް އަތުވާގޮތެއް ނުވިކަމަށް އަހުމަދު މޫސާ ވިދާޅުވިއެވެ. އަދި ގެއްލުނު ޢަލީ މުޝްފިގް މުހައްމަދަކީ މޫދަށް އެހާ ފަރިތަ ކުއްޖެއް ނޫން.ކަމަށް އަހުމަދު މުސާ ވިދާޅުވިއެވެ.
ހޮޅުދޫ ބޯޓުގައި އަލިފާން ރޯވަން ދިމާވި ސަބަބު އަދި ސާފެއް ނުވެއެވެ.
