ރެޖިސްޓްރާ އޮފް ކޮމްޕެނީސްގެ މަގާމަށް އުސްތާޒާ މަރިޔަމް ޝަންމާ އިސްމާއީލް އައްޔަން ކުރައްވައިފިއެވެ.
މީގެ ކުރިން އެ މަގާމުގައި ހުންނެވީ މަރިޔަމް ވިސާމެވެ.
ވިސާމް މަގާމުން އިސްތިއުފާ ދެއްވާފައިވަނީ މިދިޔަ ހަފްތާ ތެރޭގައެވެ. ނަމަވެސް އޭނާ މަގާމުން އިސްތިއުފާ ދެއްވި ސަބަބެއް އެނގިފައެއް ނުވެއެވެ.
އިޤުތިޞާދީ ތަރައްޤީއާއި ވިޔަފާރިއާ ބެހޭ ވަޒީރު މުހައްމަދު ސައީދު ވަނީ ޝަންމަ އެ މަގާމަށް އައްޔަން ކުރެއްވުމުން މަރުހަބާ ވިދާޅުވެފައެވެ.
”މި މުހިންމު ރޯލުގައި އޭނާއަށް ކާމިޔާބީއަށް އެދެން“. ސައީދުގެ ޕޯސްޓްގައި ވެއެވެ.
ޝަންމާ ރަޖިސްޓްރާ އޮފް ކޮމްޕެނީސްގެ މަގާމަށް އައްޔަނުކޮށްފައިވާއިރު އޭނާ ވަނީ ކޮންސިއުމާ އޮމްބަޑްސްމަންގެ މަޤާމު، އިގުތިޞާދީ ތަރައްޤީއާއި ވިޔަފާރިއާ ބެހޭ ވުޒާރާގެ ލީގަލް ކޮންސަލްޓަންޓެއްގެ މަޤާމު، ހިއުމަން ރައިޓްސް ކޮމިޝަންގެ ޑިރެކްޓާ އޮފް ލީގަލް އެންޑް ޕޮލިސީ އެފެއާޒްގެ މަޤާމުގެ އިތުރުން ސުޕްރީމް ކޯޓުގެ ރަޖިސްޓްރާގެ މަޤާމު ވެސް އަދާ ކުރައްވާފައިވެއެވެ.
