އަންނަ އަންގާރަ ދުވަހުން ފެށިގެން މަސްދަޅު ކޭސް ބަހާނީ މިފްކޯގެ ފިހާރަތަކުން ކަމަށް ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާ ބެހޭ ވަޒީރު އާދަމް ޝަރީފް އުމަރު ވިދާޅުވެއްޖެއެވެ
މިނިސްޓަރ ވިދާޅުވީ މި ގޮތަށް މިފްކޯ ފިހާރަތަކުން މަސްދަޅު ދޫކުރަން ނިންމީ މިހާރު ގިނަބަޔަކަށް މަސްދަޅުކޭސް ދޫކުރެވިފައިވާ ކަމަށް ބެލެވޭތީ ކަމަށެވެ. އެގޮތުން މާލެ އަދި ހުޅުމާލޭގައި ހުރި މިފްކޯގެ ހަތަރު ފިހާރަ ހުޅުވިފައި ހުންނަ ގަޑި ތަކުގައި ރޯދަ ހަދިޔާ ދޫކުރުން ކުރިޔަށްދާނެ ކަމަށް ވެސް މިނިސްޓަރ ހޮނިހިރު ދުވަހު ސޯޝަލް މިޑިއާގައި ކުރެއްވި ޕޯސްޓެއްގައި ވިދާޅުވި އެވެ.
ވަޒީރު އެކްސްގައި ކުރެއްވި ޕޯސްޓެއްގައި ވިދާޅުވީ، ހޮނިހިރު ދުވަހާއި އާދިއްތަ ދުވަހުގެރޭ މިހާރެކޭ އެއްގޮތަށް 13 މަރުކަޒުގައި ރޯދަ ހަދިޔާ ދޫކުރުން ކުރިޔަށްދާނެ ކަމަށެވެ.
މިގޮތުން މާލެ އަދި ހުޅުމާލޭގައި ހުރި މިފްކޯގެ 4 ފިހާރަ ހުޅުވިފައި ހުންނަ ގަޑި ތަކުގައި ދޫކުރުން ކުރިޔަށްދާނެ ކަމަށްވެސް ވިދާޅުވިއެވެ.
މިހާތަނަށް އައިއިރު، މާލެ ސަރަޙައްދުގައި 48 ހާސް ގޭބިސީއަށް ވަނީ ރޯދަ ހަދިޔާ ފޯރުކޮށްދީފައެވެ. މިހާތަނަށް މާލޭގެ 8 ހާސް ގޭބިސީ އަކަށް މަސްދަޅު ދޫކުރެވިފައިވާ ކަމަށް މިނިސްޓަރ ވިދާޅުވިއެވެ.
