އުތުރުގެ ފަސް އަތޮޅަކަށް މޫސުން ގޯސްވާނެ ކަމަށް ލަފާކޮށް ރީނދޫ ސަމާލު މޫސުމާ ބެހޭ ޤައުމީ އިދާރާއން ނެރެފިއެވެ. ރީނދޫ ސަމާލު ނެރެފައިވަނީ ށ. އަތޮޅުން ފެށިގެން ޅ. އަތޮޅާ ހަމައަށެވެ. މިރޭ 01:00 އާ ހަމައަށް ނެރެފައިވާ ރީނދޫ ސަމާލުގައި ބުނެފައިވަނީ އެ ސަރަހައްދުގެ ރަށްތަކަށް އެ މުއްދަތަކުގައި ގުގުރުމާއެކު ބޯކޮށް ވާރޭ ވެހޭނެ ކަމަށް ލަފާ ކުރެވޭ ކަމަށެވެ.
މެޓް އިން ވަނީ މީގެ ކުރިން މިރޭވެސް ރާއްޖޭގެއެކި ހިސާބު ތަކަށް ބޯކޮށް ވާރޭވެހި ގުގުރާނެ ކަމަށް ލަފާ ކުރެވޭނެ ހާމަ ކޮށްފައެވެ. މާދާމާ ހެދުނު 6.00ހާ ހަމައަށް އުތުރާއި މެދުރާއްޖެތެރޭގެ އެކި ހިސާބަށް ވިއްސާރަ ކުރުމާއެކު ގުގުރުން އެކަށިގެންވާ ކަމަށާއި އަދި ބައެއް ރަށްތަކަށް ބޯކޮށް ވާރޭ ވެހެން އެކަށީގެންވާ ކަމަށެވެ. އަދި ދެކުނުގެ އެކި ހިސާބަށް ކެރީގެ އަސަރު ފޯރައި ގުގުރުން އެކަށިގެންވާ ކަމަށްވެސް ލަފާ ކޮށްފައި ވެއެވެ.
މެޓް އިން ވިދާޅުވީ ދެކުނުގެ އަތޮޅުތަކަށް ހުޅަނގާއި ހުޅަނގުއުތުރުން، އެހެން ހިސާބުތަކަށް އިރުއުތުރާއި އިރުން، ގަޑިއަކު 06 މޭލާއި 16 މޭލާ ދެމެދުގެ ބާރުމިނުގައި ވައި ޖެހޭނެ ކަމަށް ލަފާ ކުރެވޭ ކަމަށެވެ. އަދި ވިލާގަނޑުގައި ގަޑިއަކު ގާތްގަނޑަކަށް 30 މޭލަށް ވައިގަދަވުން އެކަށީގެންވާ ކަމަށްވެސް ވިދާޅުވެފައި ވެއެވެ.
މިރޭވެސް ކަނޑު އާދައިގެ ވަރަކަށް ގަދަވާނެ ކަމަށާއި، އަދި ވިލާގަނޑުގައި ގަދަވުން އެކަށީގެންވާ ކަމަށް ވެސް މެޓުން ވިދާޅުވެއެވެ. ހަމައެއާއެކު ރާޅުގެ އުސްމިނުގައި 3 ފޫޓާއި 5 ފޫޓު ހުންނާނެ ކަމަށް ވެސް ލަފާކޮށްފައިވެއެވެ. ރާއްޖެއަށް މިހާރު ކުރަމުން ދާ ވިއްސާރައިގާ މާލެ އާއި އަތޮޅުތަކުގެ ރަށްރަށުގައި ފެންބޮޑުވަމުން ދާކަށް ފާހަގަ ކުރެވެއެވެ.
މެޓް އިން ކުރީން ލަފާ ކޮށްފައިވާ ގޮތުގައި މާދަމާ އިން ފެށިގެން މޫސުމް ރަގަޅުވާން ފަށާނެއެވެ.
