މާލެސިޓީކައުންސިލްގެ ހިންގުން ހަރުދަނާ ކުރެއްވުމަށް، މާލެ ސިޓީގެ މޭޔަރ އާދަމް ޢާޒިމް ކުރައްވަމުންގެންދަވާ ގިނަ ގުނަ މަސައްކަތްޕުޅުތަކުގެ ތެރެއިން، 25 ޑިސެމްބަރ 2024 ގައި ވަނީ، މާލެ ސިޓީ ކައުންސިލަށް އިންޓާނަލް އޮޑިޓަރަކު އައްޔަން ކޮށްފިއެވެ.
މާލޭ ސިޓީ ކައުންސިން އިން ބުނީ، މާލޭ ސިޓީ މޭޔަރ ކަމަށް، އާޒިމް ވާދަކުރެއްވި އިރު، މާލެ ސިޓީ ކައުންސިލުން ކުރަމުން ގެންދާ މަސައްކަތް، ދެ ފުށް ފެންނަގޮތަށް ބައްޓަން ކުރައްވާނެ ކަމަށް ވަނީ ވިދާޅުވެފައެވެ. ހާމަކަން ބޮޑު ގޮތެއްގައި ދެފުށް ފެންނަ، ކޮރޮޕްޝަނަށް މަގު ފަހި ނުވާގޮތަށް، މާލެ ސިޓީ ހިންގުމަށް ކުރަމުންދާ މަސައްކަތްޕުޅުގެ ތެރެއިން، މާލެ ސިޓީ ކައުންސިލް އިދާރާއަށް ބޭނުންވާ، އިންޓާނަލް އޮޑިޓަރަކު ހޯދުމަށް އިޢުލާންކުރީ، ނިމިދިޔަ އޮކްޓޫބަރ މަހުގެތެރޭގައެވެ.
މާލޭ ސިޓީ ކައުންސިލުގައި އިންޓަރނަލް އޯޑިޓަރަކު މަސައްކަތްކުރައްވަން ފެއްޓެވުމުން، ކައުންސިލް އިދާރާއިން ތައްޔާރުކުރަންޖެހޭ އެކިއެކި އިންޓާރނަލް އޮޑިޓް ރިޕޯޓް ތައްޔާރުކޮށް އިތުރު މަޢުލޫމާތު، މާލޭގެ ރައްޔިތުންނާއި އަދި ގުޅުންހުރި މުއައްސަސާތަކާ ހިއްޞާ ކުރެވެމުން ގެންދެވޭނެއެވެ. މި ކަމުގެ ސަބަބުން ނަހަމަ ނުފޫޒާއި ކޮރޮޕްޝަން ހުއްޓުވުމަށް ވަރަށް ބޮޑަށް މަގުފަހިވެގެން ދާނެކަމަށް މާލޭ ސީޓީން ހިއްސާކޮށްފައިވެ އެވެ.
