މިރޭ ވެސް ރާއްޖޭގެ އެކި ހިސާބުތަކަށް މޫސުން ގޯސްވާނެ ކަމަށް ޤަޢުމީ މޫސުމާ ބެހޭ އިދާރާ (މެޓް) އިން ލަފާކޮށްފިއެވެ.
މެޓް އިން މޫސުން ލަފާކުރާ ގޮތަށް ބަލާއިރު މެޓުން ވިދާޅުވެފައިވަނީ އުތުރުގެ ބައެއް ރަށްތަކަށް މާދަމާވެސް ވިއްސާރަކުރާނެ ކަމަށާއި ގުގުރުން އެކަށީގެންވާ ކަމަށެވެ. އަދި މެދު ރާއްޖެތެރެއާއި ދެކުނުގެ ބައެއް ރަށްތަކަށް ކެރީގެ އަސަރު ފޯރާނެ ކަމަށް މެޓްއިން ލަފާކުރެއެވެ.
ދެކުނުގެ އަތޮޅުތަކަށް ހުޅަނގާއި ހުޅަނގު އުތުރުން އަދި އެހެން ހިސާބުތަކަށް ހުޅަނގު އުތުރާއި އުތުރުން ގަޑިއަކު 10 މޭލާއި 20 މޭލާ ދެމެދުގެ ބާރުމިނުގައި ވައި ޖެހޭނެ ކަމަށް މެޓް އޮފީހުން ލަފާކުރެއެވެ..
ކަނޑުތައް އާދައިގެ ވަރަކަށް ގަދަވާނެ ކަމަށާއި ރާޅުގެ އުސްމިނުގައި 3-6 ހުންނާނެ ކަމަށް ވެސް މެޓް އިން ލަފާކުރެއެވެ.
އިއްޔެ ވެސް ރާއްޖޭގެ އެކި ހިސާބުތަކަށް ވަރަށް ބޮޑަށް ވިއްސާރަކުރިއެވެ. އަދި ގިނަ ރަށްތަކެއްގައި ފެންބޮޑުވެ ގެތަކަށް ގެއްލުން ލިބިފައިވެއެވެ. އިއްޔެ ކުރި ވިއްސާރާގައި މާލޭގެ އެކި ސަރަހައްދުތަކުގައި ބޮޑުވި ފެންގަނޑުތައް ހިންދުމަށް ކުރި މަސައްކަތުން 16،911 ޓަނުގެ ފެން މާލޭން ބޭރުކޮށްފައިވެއެވެ.
އިއްޔެގެ ވިއްސާރާގައި އާންމުންގެ ދިރިއުޅުމަށް އަސަރުކޮށްފައިވާތީ، ސަރުކާރުން ވަނީ މިއަދަކީ ރަސްމީ ބަންދު ދުވަހެއްގެ ގޮތުގައި ހަމަޖައްސާފައެވެ.
