އެމްޕީއެލް ބަނދަރު ސަރަހައްދާ ކައިރިން ކޮޅުވެއްޓިއެއް ބަންޑުން ޖަހާލި ހާދިސާގައި ބިދޭސީއަކު މަރުވެއްޖެއެވެ.
ފުލުހުން ވިދާޅުވީ މިހާދިސާގައި ނިޔާވެފައި ވަނީ ކޮޅުވެއްޓީގައި ތިބި 14 މީހުންގެ ތެރެއިން ހާލު ސީރިއަސްވެ ފަރުވާދެމުންދިޔަ، އުމުރުން 32 އަހަރުގެ ބަންގްލެދޭޝަށް ނިސްބަތްވާ މަސްޢޫދު ޙޮސައިންއެވެ.
އަނިޔާވެގެން އައިޖީއެމް ހޮސްޕިޓަލުގައި ފަރުވާދެމުން ދަނީ 4 ދިވެހިންނާއި 2 ބިދޭސީއަކަށެވެ. މީގެ ތެރެއިން 25 އަހަރުގެ ދިވެހި ފިިރިހެނެއްގެ ހާލުވެސް ސީރިއަސްކަމަށް ފުލުހުން ވިދާޅުވިއެވެ.
އެމްޕީއެލްއާ ދިމާލުން ކޮޅުވެއްޓިއެއް ބަންޑުން ޖަހާލައިގެން އުޅޭކަމުގެ ރިޕޯޓު ފުލުހުންނަށް ލިބިފައިވަނީ 15:44 އެހާއިރުކަމަށް ފުލުހުން ވިދާޅުވިއެވެ.
