”އަޅުގަނޑުގެ ދޭހަ ފޮތް 2“ ގެނަމުގައި ސާނަވީ ދަރިވަރުންނަށް އަމާޒުކޮށް، ދޭހައިގެ ޢަމަލީ މަސައްކަތްތައް ހިމަނައިގެން ތައްޔާރުކޮށްފައިވާ ދޭހައިގެ ފޮތެއް މިއަދު ނެރެފިއެވެ.
އަލްފާޞިލް ޙަސަން ޒަހީނު ލިޔުއްވާފައިވާ މިފޮތް ނެރެފައިވަނީ، ޤައުމީ ކުތުބުހާނާގައި މިކަމަށްޓަކައި ބޭއްވި ހަފުލާއެއްގައި ދިވެހިބަހުގެ އެކަޑަމީގެ ބަސްކޮމެޓީގެ ރައީސް އަދި ފިނޭންސް އެންޑް ޕްލޭނިން މިނިސްޓްރީގެ، ޕްލޭނިން އެޑްވައިޒަރ އަލްފާޟިލް ޙަމްދޫން ހަމީދެވެ.
އަލްފާޞިލް ޙަސަން ޒަހީނު ލިޔުއްވާފައިވާ މި ފޮތުގައި ދިނާއި، ޤައުމިއްޔަތާއި، ބަހާ ސަގާފަތަށް ހިއްވަރުދޭ ލިޔުއްވުންތައް ހިމަނާފައިވެއެވެ. ޖުމުލަ 20 ދޭހަ ހިމަނައިގެން ހަދާފައިވާ މިފޮތުގައި ހިމަނާފައިވާ ދޭހަތަކުގެ މަސައްކަތް ކުރުމަށް ފޮތުގައި ޖާގަ ދީފައިވެއެވެ.
އަދި ދޭހަތައް ހެދުމަށްފަހު ދަރިވަރުންނަށް ރަނގަޅު ޖަވާބުތައް ބަލާލެވެއެވެ. މި ފޮތުގެ އެންމެ ފަހުބައިގައި ހިމަނާފައިވަނީ މި ފޮތުގައި ހިމަނާފައިވާ ދޭހައިގެ ސުވާލުތަކުގެ ރަނގަޅު ޖަވާބުތަކެވެ.
މިފޮތަކީ އެސްއެސްސީ އިމްތިހާނުގައި ދަރިވަރުން އިމްތިހާނުކުރެވޭ އެއްބައިކަމުގައިވާ ދޭހައިގެ ބަޔަކަށް އަމާޒުކޮށް ތައްޔާރުކޮށްފައިވާ ފޮތެކެވެ. ދިވެހި މާއްދާ ކިޔަވާ ގިނަކުދިންނަށް އެންމެ އުނދަގޫ އެއްބަޔަކީވެސް ދޭހައިގެ ކަމުގައިބެލެވެ އެވ
އަޅުގަނޑުގެ ދޭހަފޮތް 1 ގެ ނަމުގައި 2013 ވަނަ އަހަރު ޒަހީނުވަނީ ހަމަ މިފަދަ ފޮތެއް ނެރުއްވާފައެވެ. މީގެ އިތުރުން ކުޑަކުދިންނަށް އަމާޒުކޮށް ތަފާތު ފޮތްތައް އޭނާ ލިޔުއްވާފައިވެއެވެ. ކުޑަކުދިންނަށް ޙާއްޞަފޮތް ސަރުކާރު ޤަބޫލުކުރާ ފެންވަރަށް ދިވެހިބަހުން ލިޔުއްވާފައިވާތީ، ސަރުކާރުންދޭ ޚާއްޞަ އިމާން 2004 ވަނަ އަހަރާއި 2007 ވަނަ އަހަރު ޒަހީނަށް ލިބިލައްވާފައިވެއެވެ.
ޒަހީނަކީ މިހާރުވެސް ދިވެހިބަސް ކިޔަވައިދެއްވަމުންގެންދަވާ އަދި ލިޔުންތެރިކަމުގެ ދާއިރާގައި ފާހަގަކުރެވޭ ބޭފުޅެކެވެ.
