ހަޤީޤަތަށް ބަލާއިރުވެސް ފިޒީ ބުއިންތަކަކީ ސިއްހަތަށް މާ ފައިދާ ހުރި ބުއިންތަކަކަށް ނުވެއެވެ. އަދި އެއީ ސިއްޚަތަށް އެތަކެއް ގެއްލުންތަކެއް ލިބޭ ބުއިންތަކެއްވެސް މެއެވެ. މިކަން އަހަރުމެން އެންމެން ވެސް ދަންނަމުއެވެ. ނަމަވެސް ފަހުގެ ދިރާސާ އަކުން މިވަނީ ފިޒީ ބުއިން ތަކުން ހަށިގަނޑަށް ކުރާ ނުރައްކާތެރި އަސަރު ވަރަށް ރަނގަޅަށް ހާމަކޮށްދީފައެވެ. ޚާއްސަކޮސް އުމުރުން ދުވަސް ވެފައިވާ މީހުންނަށް މި ބުއިންތަކުގެ ނުރައްކާތެރިކަން ބޮޑެވެ.
ދިރާސާތަކުން ދައްކާ ގޮތުގައި އުމުރުން 40 އަހަރުން މަތީގެ މީހުންނަށް، ނުވަތަ 40 ގެ އަހަރުތައް ގުނަމުންދާ މީހުންނަށް ފިޒީ ބުއިންތަކަކީ ނުރައްކާތެރި އެއްޗެކެވެ. އެގޮތުން މި އުމުރުގެ މީހުންނަށް މި ބާވަތުގެ ބުއިންތަކުގެ ސަބަބުން ސްޓްރޯކް ޖެހުމުގެ ފުރުސަތު އިންތިހާއަށް ބޮޑެވެ. އަދި މިކަމަށް ބޯލާ އެންމެ ފިޒީ ބުއިމަކުން ވެސް ސްޓްރޯކު ޖެހުމަށް މަގުފަހިވެދެއެވެ.
އެންމެ 330 އެމްއެލް ގެ ބުއިމަކުން ވެސް ކޮލެސްޓްރޯލް ލެވެލް އިންތިހާއަށް މަތިކޮށްލާ ލޭގައި ބްލަޑް ކްލޮޓްސް އުފެދުމަށް މަގުފަހި ކުރުވާ ކަމަށް މިދިރާސާގައި ބުނެފައިވެއެވެ. އަދި މީގެ ސަބަބުން ސިކުނޑިއަށާއި ހިތަށް ލޭ ފޮނުވައިދޭ ނާރުތައް ބެދެއެވެ.
މި ދިރާސާ ކޮށްފައިވަނީ 40 އަހަރުގެ 6000 އަށް ވުރެ ގިނަ މީހުން ހިމަނައިގެން 12 އަހަރު ދުވަހުގެ މުއްދަތަކަށެވެ. ދިރާސާއިން އިތުރަށް ދައްކާ ގޮތުގައި ފިޒީ ބުއިންތަކުން ދުރު މީހުނަށް ވުރެ އެ ބޯ މީހުންނަށް ސްޓްރޯކު ޖެހުމުގެ ފުރުސަތު 53 އިންސައްތަ އިތުރެވެ.
ޑަބްލިޔުއެޗްއޯ އިން ބުނާ ގޮތުގައި ދުނިޔޭގައިި އަހަރަކު 15 މިލިއަން މީހުނަށް ސްޓްރޯކު ޖެހެއެވެ. މީގެ ތެރެއިން 5 މިލިއަން މީހުން އެ ބަލީގައި މަރުވެ އަދި 5 މިލިއަން މީހުން އެ ބަލީގެ ސަބަބުން އުމުރަށް ނުކުޅެދިފައިވެއެވެެ.
