އެދުވަހު ރަނގަޅުވިކަމެއް މިއަދު ގޯސްވީ ކީއްވެތޯ ކުރީގެ މަޑަވެލި ދާއިރާގެ މަޖިލިސް މެންބަރު ހުސައިން ފިރުޝާނަށް ރައްދުދެއްވާ އެޓާނީ ޖެނެރަލް އަހުމަދު އުޝާމް ސުވާލުކުރައްވައިފިއެވެ.
އެޓާނީޖެނަރަލް އަހުމަދި އުޝާމް އެކްސްގައި ކުރެއްވި ފޯސްޓުގައި ރައްދު ދެއްވީ، ކުރީގެ މަޑެވެލި ދާއިރާގެ މަޖިލިސް މެންބަރު ހުސައިން ފިރުޝާން އެކްސްގައި ކުރެއްވި ޕޯސްޓު ހިއްސާކުރައްވައެވެ. އެކްސްގައި ހުސައިން ފިރުޝާން ކުރެއްވި ޕޯސްޓުގައިވަނީ، އިލެކްޝަން ކޮމިޝަންއާއި އޭސީސީގެ ރައީސް އާއި ނާއިބްރައިސް ރައީސުލްޖުމްހޫރިއްޔާ އައްޔަނުކުރާގޮތަށް ހެދުމުން، މުއައްސަސާގެ މިނިވަންކަން ގެއްލި ދިވެހިރާއްޖެ 50 އަހަރު ފަހަތަށް ދިޔަކަމަށް ހިއްސާކުރައްވާފައެވެ. އަދި ހުރިހާ މިނިވަން މުއައްސަސާތައް އުވާލާ، އެމަސައްކަތް ރައީސްކުރަންވީނުންތޯ ވެސް ވަނީ ސުވާލުކުރައްވާފައެވެ.
ފިރުޝާންގެ މިސުވާލަށް ރައްދުދެއްވާ، އެޓާނީ ޖެނެރަލް އަހުމަދު އުޝާމް އެކްސްގައި ހިއްސާ ކުރެއްވި ފޯސްޓުގައި ވަނީ، މިނިވަން މުއައްސަސާތަކުގެ ރައީސް އަދި ނައިބް ރައީސް އައްޔަނުކުރެއްވުމުގައި އަމަލުކުރުމަށް އެކި ގާނޫނުތަކުގަ ހުރީ އެކިގޮތަށްކަމާއި، މިކަން އެއްގޮތްކޮށް، މިކަމުގައި ރައީސްގެ ދައުރެއް ބޭއްވުމުގެ މަގުސަދުގައި އެމްޑީޕީގެ ސަރުކާރުގައި 2021 ވަނައަހަރު ސިވިލް ސަރވިސްގެ ރައީސްއަދި ނައިބްރައީސްއަކީ ރައީސުލްޖުމްހޫރިއްޔާ އައްޔަންކުރާ މަޤާމްތަކަކަށް ހެދުމަށް، ގާނޫނަށް އިސްލާހެއް ގެންނެވިފައިވާ ކަމަށް ހިއްސާކޮށްފައިވެއެވެ. އަދި އެއިސްލާހު ފާސްކުރުމަށް 29 އެޕްރިލް 2021 ގައި އެމްޑީޕީ އަށް ނިސްބަތްވާ މަޖިލިސްގެ ކުރީގެ މެންބަރު ފިރުޝާންވެސް އަދި އެމަނިކުފާނުވެސް ވޯޓުދެއްވިކަން ހަނދާންކޮށްދެއްވާފައެވެ. އަދި އިތުރަށް އެކްސްގައި ހިއްސާކުރައްވާފައިވާ ގޮތުގައި އެދުވަހު ސިވިލް ސަރވިސް ގާނޫނަށް ގެނައި އިސްލާހާ މިއަދު މިގެންނަން ހުށަހެޅި އިސްލާހާ އެއްވެސް ތަފާތެއް ނެތްކަމަށް ވިދާޅުވެ، އެދުވަހު ރަނގަޅުވި ކަމެއް މިއަދު ގޯސްކަމަކަށް މިވީ ކީއްވެތޯވެސް ސުވާލުކުރައްވާފައިއެވެ.
އެޓާނީޖެނަރަލް އަހުމަދު އުޝާމް އެކްސްގައި ކުރެއްވި ފޯސްޓުގައި 2021ގައި މަޖިލިސްގައި ސިވިލް ސަރވިސް ގާނޫނަށް ގެނައި އިސްލާހާއި ގުޅޭ ގޮތުން ހުށައެޅި ކަރުދާހުގެ ފޮޓޯއެއްވެސް ވަނީ ހިއްސާ ކުރައްވާފައެވެ. އެޖީ އެއެކްސްގައި ކުރެއްވި ޕޯސްޓަކީ މަޖިލިސްގެ ތަޅުމަށް އޭސީސީ އާއި އީސީގެ ރައީސް އަދި ނައިބްރައިސް ރައީސުލްޖުމްހޫރިއްޔާ އައްޔަނުކުރާ ގޮތަށް ހުށައެޅި އިސްލާހާއި ގުޅިގެން ދިފާއުކުރައްވާ އެކްސަގައި ހިއްސާ ކުރެއްވި ޕޯސްޓެކެވެ. މި އިސްލާހަށް މަޖިލިސްގައި ތިއްބެވި އިދިކޮޅު އެމްޑީޕީގެ މެންބަރުންގެ ފާޑުކިއުންވަނީ އަމާޒުކޮށްފައެވެ.
މިހާރު ކޮމިޝަނުގެ ރައީސާއި ނައިބް އައްޔަނު ކުރަނީ މެންބަރުންގެ މެދުގައި ނަގާ ވޯޓަކުންނެވެ. މިބަދަލު ގެނައުމަށް މަޖިލިހަށް ހުށައަޅާފައިވަނީ މުސްތަގިއްލު ކޮމިޝަންތަކުގެ އުސޫލު އެއްހަމަކުރުމަށެވެ.
