މިމަހުގެ 18 ވަނަ ދުުވަހުގެ ފަތިހު ފެންޓޯނިއޯގެއިން ވެއްޓުނު 21 އަހަރުގެ ހައްވާ ޔުމްނު ރަޝީދު އިތުރު ފަރުވާއަށް ރާއްޖެއިން ބޭރަށް ގެންދަން އެއާޕޯޓަށް ގެންގޮސްފިއެވެ.
ޔުމްނުގެ އާއިލާއިން ހުކުރުދުވަހު ބުނެފައިވަނީ ޔުމްނު އިތުރު ފަރުވާއަށް މެލޭޝިއާއަށް ގެންދިއުމަށް ހުރިހާ އިންތިޒާމުތައް ހަމަޖެހިފައިވާކަމަށެވެ. އެގޮތުން ޔުމްނު މެލޭޝިއާއަށް ގެންދިޔުމަށް އެންސްޕާގެ ފަރާތުން ފުރިހަމަކުރަން ޖެހޭ ހުރިހާ ކަމެއް ހަމަޖެހިފައިވާކަމަށް އާއިލާއިން ވަނީ ބުނެފައެވެ. މީގެ އިތުރުންވެސް ފާހަގަކޮށްލެވޭ ގޮތުގައި ޔުމްނުގެ އިތުރުފަރުވާއަށް ސޯޝަލް މީޑީއާގެ ޓިކްޓޮކް މެދުވެރިކޮށްވަނީ ޝެހެނާޒް ނަމަކަށްކިޔާ މީހަކު ފަންޑްރައިޒް އިވެސްޓެއް ކުރިއަށްގެންގޮސް ހަލައްކައަށްވުރެ ގިނަ ރުފިޔާ ހަމަކޮށްދީފައެވެ.
ޔުމްނު އިތުރު ފަރުވާއަށް ފުރުވާލަން އެއާޕޯޓަށް މިހާރު ގެންގޮސްފައިވާއިރު އުމްނު ގެންދިޔަ މަންޒަރު ސޯޝަލް މީޑިއާގައީ ވަނީ އާއްމުވެފައެވެ. އެ މަމްނަޒަރު ތަކުން ފެންނަ ގޮތުން ޔުމްނުގެ ހާލު ރަނގަޅެއް ނޫނެވެ.
ޔުމްނު އިތުރު ފަރުވާއަށް ބޭރަށް ގެންދާ ފްލައިޓާއި މެދު އާއިލާއިން ވަނީ ކަންބޮޑުވުން ފާޅުކޮށްފައެވެ. މިގޮތުން ޔުމްނުގެ ދައްތަ ބުނީ ޔުމްނު ބޭރަށް ގެންދިއުމުގައި ދެ ގަޑިއިރު އެހެންޤައުމެއްގައި ޓްރާންސިޓު ވާންޖެހޭކަމަށެވެ.
ޔުމްނު ވެއްޓުނު މައްސަލާގައި އޭނާއާއި އެކު އެރޭ އުޅުނު ރައުދު އަހްމަދު ޒިލާލް ހައްޔަރުކޮށް ކޯޓަށް ގެންދިޔުމުން ވަނީ 5 ދުވަހުގެ ބަންދުގެ މުއްދަތު ޖަހާދީފައެވެ. ޔުމްނު ވެއްޓުނު ރޭ ރައުދު އަހުމަދު ޒިލާލާ ދެމެދު ހަމަނުޖެހުމެއް ހިނގައިފައިވާ ކަމަށް ފުލުހުން ބުނެފައިވާކަން ފާހަގަކުރެވެއެވެ.
މީގެ އިތުރުން ޒުވާނުން އިސްނަގައިގެން ޔުމްނުއަށް އިންސާފު ހޯދައި ދިނުމަށް ގޮވާލާ ސިލްސިލާކޮށް މާލޭގައި އަންނަނީ މުޒާހަރާކުރަމުންނެވެ. މިގޮތުން މިރޭ މިއީ މި މުޒާހަރަތައް ކުރިއަށްގެންދާ ހަތަރުވަނަ ރޭކަން ފާހަގަކުރެވެއެވެ.
