ބަނގުރާކަމަށް ބެލެވޭ ދިޔާ އެއްޗެއް، ފެންފުޅިތަކަކަށް އަޅައި، ފޮށިތަަކަކަށް އަރުވައިގެން ދަނިކޮށް ހުޅުމާލެއިން ބިދޭސީއަކު ހުއްޓުވައި އޭނާ ފުލުހުންގެ ބެލުމުގެ ދަށަށް ގެންގޮސްފިއެވެ.
ހުޅުމާލެއަށް ދަތުރުކުރަމުންދިޔަ ވޭނެއްގައި ބަނގުރާ ކަމަށް ޝައްކު ކުރެވޭ އެއްޗެއް ހުރި ކަމުގެ މަޢުލޫމާތު ފުލުހުންނަށް ލިބުމާ ގުޅިގެން، އެ އުޅަނދު ބުރާސްފަތިދުވަހުގެރޭ 21:46 އެހާކަންހާއިރު ހުޅުމާލޭ ރީތިގަސް މަގުން ހުއްޓުވައި ބަލައި ފާސްކުރި އިރު، ބަނގުރާ ކަމަށް ބެލެވޭ އެއްޗެއް ހުރި 500 އެމްއެލްގެ 75 ފުޅި ފެނިފައިވެއެވެ.
ފުލުހުން މީޑިއާތަކާއި ހިއްސާކުރި މަޢުލޫމާތުގައިވަނީ ބަނގުރާކަމަށް ޝައްކުކުރެވޭ އެއްޗެެއް ހުރި ފުޅިތަކެއް، ފޮށިގަނޑުތަކެއްގެތެރެއަށް އަރުވައިގެން ވޭނެއެއް ހުޅުމާލެއަށް ދަތުރުކުރި ކަމަށެވެ.
އެ އުޅަނދު ފުލުހުންވަނީޓޯކޮފައެވެ. އަދި އުޅަނދު ދުއްވަންއިން މީހާ ވަނީ ފުލުހުންގެ ބެލުމުގެ ދަށަށް ގެންގޮސްފައެވެ..
މި މައްސަލައާ ގުޅިގެން ފުލުހުންގެ ބެލުމުގެ ދަށަށް ގެންގޮސްފައިވަނީ، ވޭން ދުއްވި ނޭޕާލްގެ ރައްޔިތެއް ކަމުގައިވާ 37 އަހަރުގެ ތިރްތަ ބަހާދުރު ބީ.ކޭ ނަމަކަށްކިޔާ މީހެކެވެ.
މި މައްސަލަ ފުލުހުން ގެންދަނީ ތަހުޤީގުކުރަމުންނެވެ.
