އެމް. ޑީ.ޕީ ނައްތާލުމަކީީ ޕާޓީ އުފެދުނީއްސުރެ އިދިކޮޅުމީހުންގެ ޢަޒުމް ކަމަށް މަޖިލީހުގެ ކުރީގެ ނައިބު ރައީސް ރީކޯ މޫސާ މަނިކު ވިދާޅުވެއްޖެއެވެ.
މޫސަ މިހެން ވިދާޅުވީ އެކްސްގައި ކުރެއްވި ޕޯސްޓެއްގައެވެ.
މިގޮތުން މޫސަ ވިދާޅުވީ އެމް. ޑީ.ޕީ ނައްތާލުމަކީީ ޕާޓީ އުފެދުނީއްސުރެ އިދިކޮޅު މީހުންގެ ޢަޒުމް ކަމަށާއި އަދި އެމް. ޑީ.ޕީ ގައި އުޅެ ސިޔާސީ ކުރިމަގު ހޯދި ބައެއް މީހުންގެވެސް މަސައްކަތް ކަމަށެވެ.
އެހެންނަމަވެސް އެމް . ޑީ . ޕީ އަކީ މިހާތަނައްވެސް މިރާއްޖެއިން ނައްތާނުލެވުނު ފިކުރުކަމަށް މޫސަ ވިދާޅުވިއެވެ. މިއޮޑިއެއް ނުފެތޭނޭ ކަމަށާއި އަދި މިޢަޒުމެއްވެސް ނުގުޑާނެ ކަމަށް ވިދާޅުވެ ރީކޯ މޫސާ މަނިކު އިތުރަށް ވިދާޅުވީ އެމް. ޑީ.ޕީ ހިންގުމުގައި އެކަކަށްފަހު އަނެކަކު ސާބިތުކަމާއެކީ ހުންނާނެކަމަށެވެ. ރީކޯ މިހެން ވިދާޅުވެފައިވާއިރު، އެމްޑީޕީން އަންނަނީ ސިލްސިލާކޮށް ކޮންމެ ރެއަކު މާލޭގެ މަގުތަކުގައި މުޒާހަރާކުރަމުންކަން ފާހަގަކޮށްލެވެއެވެ.
