މާދަމާއިން ފެށިގެން މާލެ ސަރަޙައްދުގައި މަސްދަޅުކޭސް ބެހުމުގެ ކަންކަން ކުރިއަށްދާނީ ރޭގަނޑުކަމަށް ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވަޒީރު އާދަމް ޝަރީފް އުމަރު ވިދާޅުވެއްޖެއެވެ.
ވަޒީރު އެކްސްގައި ކުރެއްވި ޕޯސްޓެއްގައި ވިދާޅުވީ ހޫނު ގަދަކަމަށް ފެންނާތީވެ ދުވާލު ރޯދަ ހަދިޔާ ދޫކުރުމެއް ނޯންނާނެކަމަށެވެ, އަދި މާދަމާ ރެއިންފެށިގެން މާލޭގައި ގަލޮޅު ދަނޑުގެ 4 ފަރާތުގެ ސިޑި ބަރި ކައިރި , ސޯޝަލް ސެންޓަރު , ހެންވޭރު ދަނޑު , މިފްކޯގެ އޮފީސް ހުންނަ ސަރަހައްދު , އެމްޓީސީސީ ސޯމިލް , ވިލިމާލެ ވެމްކޯ ސައިޓް , ހުޅުމާލެ، އުމަރު ޒާހިރު ބިލްޑިން , ހުޅުމާލެ، ހިޔާ ޓަވަރު 10 ގައި ހުންނަ ޔޫތު ސެންޓަރު , އަދި ހުޅުމާލެ ފޭސް 1 އަދި 2 ގައި އިތުރު ދެ ތަނުން , ޖުމްލަ 13 ތަނަކުން މަސްކޭސް ބެހުމުގެ ކަންކަން ކުރިއަށްދާނެ ކަމަށް ވަޒީރު އެކްސްގައި ކުރެއްވި ޕޯސްޓްގައި ވިދާލުވެފަވެއެވެ.
ވަޒީރު އާދަމް ޝަރީފް ވިދާޅުވީ ކޮންމެ ތަނެއްގައި ފަސް މޭޒު ބޭނުންކޮށްގެން މަސްދަޅުވޭސް ބެހުމުގެ ކަންކަން ކުރިއަށް ދާނެ ކަމަށެވެ. އަދި ރޭގައި ގިނަ ބަޔަކު ކިއުގައި ތިބެން ޖެހުމުން އެކަމާ ހިތާމަ ކުރައްވާ ކަމަށްްވެސް ވަޒީރު ވިދާޅުވިއެވެ..
އެހެންވެ، މަސްދަޅު ބެހުމުގައި އުޅޭ މީހުން އިތުރުކޮށް، އިންތިޒާމުތައް ރަނގަޅު ކުރުމަށް މަސައްކަތް ކުރަމުންދާ ކަމަށް މިނިސްޓަރު އާދަމް ޝަރީފް ވިދާޅުވިއެވެ. އެގޮތުން، މަސް ދަޅު ބެހުމަށް މާލެ ސަރަހައްދުގައި 13 ތަނެއް ހަމަޖައްސާފައިވާ ކަން އާދަމް ޝަރީފް ވިދާޅުވިއެވެ.
ވަޒީރު އާދަމް ޝަރީފް ވިދާޅުވީ ދިގު ކިއޫއަށް ނޭރިޔަސް، ކުރިއަށް އޮތް ދުވަސްތަކުގައި ރޯދަ ހަދިޔާ ދޫކުރުމަށް ހަމަޖެހިފައިވާ ކަމަށެވެ. އަދި ފެބްރުއަރީ 28 ގެ ނިޔަލަށް މިކަން ކުރިއަށް ދާނެ ކަމަށް ކުރިން އިއުލާން ކުރި ނަމަވެސް ހުރިހާ ގޭބިސީއަކަށް މަސްކޭސް ލިބެންދެން މިކަން ކުރިއަށް ގެންދާނެ ކަމަށް އާދަމް ޝަރީފް ވިދާޅުވިއެވެ
ރޭގައި ގްރޭޓަރ މާލޭ ސަރަޙައްދުގައި ރޯދަ ހަދިޔާ ބެހިފައިވާގޮތަށް ބަލާލާއިރު , ވިލިމާލެ ސަރަޙައްދުން 582 ކޭސް , އެމްޓީސީސީ ސޯމިލްއިން 2083 ކޭސް , މިފްކޯއިން 3666 ކޭސް , ހިޔާ ފްލެޓް 10 އިން 1555 ކޭސް , އުމަރު ޒާހިރު ބިލްޑިގްއިން 1508 ކޭސް ޖުމްލަ 9394 މަސްދަޅު ވޭސް ބެހިފައިވެއެވެ.
އެސްޓީއޯ މެދުވެރިކޮށް މާލޭގެ ރައްޔިތުންނަށް މަސްދަޅު ބަހާއިރު، ކޮންމެ ގޭބީސީއަކަށް ވެސް 48 ދަޅުގެ މަސްކޭހެއް ދޫކުރާނެއެވެ. މަސްދަޅު ބަހަނީ ކަރަންޓު މީޓަރު ނަންބަރަށް ކަމަށްވާއިރު މަސްދަޅު ކޭސް ބަލާ ދާ މީހާ އައިޑީ ކާޑާއި ކަރަންޓު މީޓަރު ނަންބަރު ގެންދަން ޖެހޭނެ ކަމަށް ލޯކަލް ގަވަމެންޓް މިނިސްޓްރީ އިން ބުނެއެވެ. މަސްދަޅު ކޭސް ބަހަނީ ހަމައެކަނި ދިވެޙީންނަށެވެ.
