މަގާމުގެ ހައިސިއްޔަތުން ކުރަން ހަމަޖެހިފައިވާ ރަސްމީދަތުރުތައް ރައީސް އޮފީހުން ނިމިދިޔަ ފަހުތާގައި ހުއްޓުވުމަށްފަހު، ރައީސް ޑރ މުހައްމަދު މުއިއްޒު ޓޫރިޒަމް މިނިސްޓަރުގެ މަގާމުން އިބްރާހިމް ފައިޞަލް މިއަދު ވަކިކުރައްވައިފި އެވެ.
ރައީސް އޮފީހުން ބުނީ، ފައިސަލް މަގާމުން ވަކި ކުރެއްވުމަށްފަހު ޓޫރިޒަމް މިނިސްޓްރީ ހިންގެވުން މިއަދުން ފެށިގެން ވަގުތީ ގޮތުން ހަވާލުކުރައްވާފައިވަނީ އިކޮނޮމިކް މިނިސްޓަރު މުހައްމަދު ސައީދުއާ އެވެ. ނަމަވެސް ފައިޞަލް މަގާމުން ވަކިކުރެއްވި ވަކި ސަބަބެއް ރައީސް އޮފީހުން ހާމަކޮށްފައެއްނުވެ އެވެ.
ފައިޞަލް މަގާމުންވަކިކުރި މިދަނޑިވަޅަކީ މީސްމިޑިއާގައި ފައިސަލްއާގުޅޭ ގޮތުން ތަފާތު ތުހުމަތެއް ކުރެވެމުންދާ ދަނޑިވަޅެކެވެ. އަދި ޕީއެންސީގެ ލީޑަރޝިޕްގެ ތެރޭގައިވެސް ނުތަނަވަސްކަމެއް އުފެދިފެން އުޅޭ ކަމަށް އަޑު ފެތުރިފައިވާ ދުވަސްވަރެއްގައެވެ.
ދާދީ ފަހުން ޕީއެންސީގެ މަޖިލިސް މެމްބަރެއް، މަޖިލީހުގެ ތަޅުމުގައި މިނިސްޓަރުން ފޯނަށް ޖަވާބުނުދެއްވާކަމާއި އަދި ރައީސްއާ ގާތްވީމާ މިނިސްޓަރުގެ މަގާމުގައި ހުރެވޭނެކަމަށް ނުދެމުކުމަށްވެސް ބުނެ ހިތްމަނުޖެހުން ފާޅުކޮށްފައިވެސް ވެއެވެ.
ފައިޞަލްއަކީ ރައްޔިތުންގެ މަޖިލީހުގެ ރައީސް އަދި ވެރިކަން ކުރާ ޕާޓީ، ޕީޕަލްސް ނޭޝަނަލް ކޮންގްރެސްގެ ޗެއާޕާސަން އަބްދުއްރަހީމް އަބްދުﷲ ގެ ދަރިކަލުންނެވެ. ކަންމިހެން އޮތުމުން ސިޔާސީ ގޮތުން ފައިސަލް ހަރާކާތްތެރިވާނެ ވަކިގޮތެއް އެނގިފައެއްނުވެއެވެ، ނަމަވެސް ސަރުކާރުން ވަކިވެފައިވާކަމަށް ފައިޞަލް ބައެއް މީޑިއާތަކަށް ހިއްސާކޮށްފައިވެއެވެ.
ފައިސަލް ޓޫރިޒަމް މިނިސްޓަރުގެ މަގާމަށް އައްޔަންކުރައްވާފައި ވަނީ 2023 ވަނަ އަހަރުގެ ނޮވެމްބަރު މަހުގެ 17 ވަނަ ދުވަހު އެވެ.
