ފިލްމީ ތަރި ސައިފް ޢަލީ ޚާން އާއި އޭނާގެ އަންހެނުން އަދި ފިލްމީ ތަރި ކަރީނާ ކަޕޫރު އިންޑިއާގެ ބޮޑުވަޒީރު ނަރެންދްރަ މޯދީ އާއި ބައްދަލު ކުރިއެވެ. ސައިފް އެބައްދަވުމާ ބެހޭ ގޮތުން މީޑިއާގައި ވާހަކަ ދައްކަމުން އެބައްދަލުވުމަކީ ވަރަށް ޚާއްސަ ބައްދަލުވުމެއް ކަމަށާއި، ބޮޑުވަޒީރު ވަރަށް ހޫނު މަރުޙަބާ ކިއުއްވާ ސަމާލުކަން ދެއްވި ކަމަށް ބުނެފައިވެއެވެ.
ކަޕޫރު ޢާއިލާއިން ބޮޑުވަޒީރު ނަރެންދްރަ މޯދީއާ ބައްދަލުކުރީ އަންގާރަ ދުވަހު، ރާޖް ކަޕޫރު ފިލްމު ފެސްޓިވަލްއަށް ދަޢުވަތު އެރުވުމަށެވެ. މި ފެސްޓިވަލްގައި ރާޖް ކަޕޫރުގެ އުފަންދުވަހުގެ 100 ވަނަ އަހަރީ ދުވަހާ ގުޅިގެން އޭނާގެ 100 އަހަރުގެ ލެގަސީ ފާހަގަކުރެވުނެވެ.
ބޮޑުވަޒީރުގެ ބައްދަލުވުމާ ބެހޭ ގޮތުން ވާހަކަ ދައްކަމުން ސައިފް ބުނެފައި ވަނީ ބޮޑުވަޒީރު އަހަރަމެންގެ މައިންބަފައިންނާ ބެހޭގޮތުން ވަކިވަކިން އައްސަވައި، ތައިމޫރު އަދި ޖަހާންގީރު ގެންނާނެ ކަމަށް ހީކުރެއްވި ކަމަށް ވިދާޅުވި! ކަރީނާ އެދުނު ގޮތަށް ބޮޑުވަޒީރު މޯދީ އެކުދިންނަށް ކަރުދާހެއްގައި ސޮއިކޮށްދެއްވި.“
ބޮޑުވަޒީރު ވަރަށް ބުރަކޮށް މަސައްކަތް ކުރައްވާ ކަމަށް ފެނުނު ކަމަށް ސައިފް ބުންޏެވެ. ”އަޅުގަނޑަށް ފެނުނީ ބޮޑުވަޒީރު ވަރަށް ބުރަކޮށް ޤައުމު ހިންގަވަމުން ގެންދަވާ ތަން އަދި ކިތަންމެ ބުރަކޮށް މަސައްކަތް ކުރެއްވި ނަމަވެސް އަދިވެސް އެކިފަރާތްތަކަށް ގުޅުން ބަދަހިކުރުމަށް ވަގުތު ހޭދަ ކުރައްވާތަން އަހަރެން ބޮޑުވަޒީރަށް ދެންނެވިން “ ކިހާވަރަކަށް އަރާމުކުރައްވަންތޯ،“ ބޮޑުވަޒީރު ވިދާޅުވީ ރޭގަނޑަކު 3 ގަޑިއިރު ކަމަށެވެ.
ދުނިޔޭގެ ޤައުމުތަކުގެ ވެރިން މަޝްހޫރު ފަންނާނުންނާ ބައްދަލުކޮށް ވަގުތު ހޭދަ ކުރެއްވުމަކީ ވަރަށް އާއްމު ކަމެކެވެ. އެކަމުގެ ސަބަބުން ރައްޔިތުންގެ ސަމާލުކަން ސިޔާސީ ފަރާތްތަކަށް ލިބިގެން ދެއެވެ.
