ގަވައިދާއި ހިލާފަށް އުޅޭ ބިދޭސީން ހޯދުމަށް ހިންގަމުން އަންނަ އޮޕަރޭޝަންގައި ތިލަފުށިން 33 ބިދޭސީއަކު ހައްޔަރުކޮށްފިއެވެ.
އިމިގްރޭޝަނުން ބުނީ ގަވައިދާ ހިލާފަށް އުޅޭ ބިދޭސީް ހޯދުމަށް ހިންގަމުން އަންނަ އޮޕަރޭޝަންގައި ތިލަފުށީގައި ރެއިޑެއް ހިންގާފައިވާކަަމަށެވެ. މި ރެއިޑްގަައި އެ އިދާރާގެ 28 އޮފިސަރުންނާއޮ 35 ފުލުހަކު ބައިވެރިވެފައިވާކަމަށް އިމިގްރޭޝަނުން ބުނެއެވެ.
ތިލަފުށީގައި ހިންގި އޮޕަރޭޝަންގައި އެ ރަށުގައި ދިރިއުޅެމުންދިޔަ 257 ބިދޭސީއަކު ޗެކްކޮށްފައިވާކަމަށް އިމިގްރޭޝަނުން ބުނެއެވެ. އަދި އޭގެތެރެއިން ސައްހަ ވިސާނެތި އުޅެމުންދިޔަ 33 މީހަކު ހައްޔަރުކޮށްފައިވާކަަމަށް އިމިގްރޭޝަުން ބުނެއެވެ. އަދި 22 މީހަކަށް ލިޔުމުން ނޯޓިސް ދީފައިވާކަމަށްވެސް އިމިގްރޭޝަނުން ބުނެއެވެ.
ރާއްޖޭގައި ގަވައިދާ ހިލާފަށް އުޅެ ވިޔަފާރިކުރަމުންދާ ބިދޭސީން ހޯދުމަށް އިމިގްރޭޝަނުން ހިންގާ އޮޕަރޭޝަންތަކުގައި މިހާތަނަށް ގިނަ އަދަދެއްގެ ބިދޭސީން ވަނީ އަތުލައިގެންފައެވެ. އޭގެތެރޭގައި ކެފޭ ހިންގާ މީހުންނާއި ހަށިވިއްކުމުގައި އުޅޭ މީހުންގެ އިތުރުން ހެދިކާ ހަދާ ވިއްކަމުން ދިޔަ މީހުންވެސް ހިމެނެއެވެ.
ރާއްޖޭގައި ގަވައިދާ ހިލާފަށް އުޅޭ ބިދޭސީން ފޮނުވާލުމަށް ކުރާ މަސައްކަތުގައި މިހާތަނަށް 5000 ވުރެ ގިނަ ބިދޭސީން ފުރުވާލާފައިވާކަމަށް އިމިގްރޭޝަނުން ވަނީ ބުނެފައެވެ. އަދި އެއީ ރެކޯޑެއްކަމަށް އެ އިދާރާއިން ވަނީ ބުނެފައެވެ.
