ރާއްޖޭގެ މަސްވެރިންގެ ދުވަސް ފާހަގަ ކުރުމަށް ކޮންމެ އަހަރެއްގެ ޑިސެންބަރު މަހު ބާއްވާ ހަފްލާގައި ދެވޭ އެވޯޑު ފަރުމާކޮށް، މިނިސްޓްރީއަށް ޑިޒައިން ހުށަހެޅުމުގެ ފުރުސަތު ހުޅުވާލައިފި އެވެ.
މި އިއުލާންގައި ކަރުދާހުގައި ޑިޒައިން ހުށަހަޅަންޖެހޭ ގޮތުގެ ތަފުސީލާއި، ޑިޒައިންގައި ހިމަނަންޖެހޭ ބައިތަކުގެ އިތުރު މައުލޫމާތު ހިމަނާފައިވެ އެވެ.
މިކަމަށް ޝައުގުވެރިވާ ފަރާތްތަކުން މައުލޫމާތު ކަރުދާހުގައިވާ މިންގަނޑުތަކާ އެއްގޮތަށް އެވޯޑް ފަރުމާކޮށް، 20 ނޮވެމްބަރު 2024 ވާ ބުދަ ދުވަހުގެ 12:00 ގެ ކުރިން fisheriesmanagement@fisheries.gov.mv އަށް ފޮނުވުމަށް ފިޝަރީޒް މިނިސްޓްރީން ވަނީ އެދިފަ އެވެ. އަދި މިކަމާ ގުޅޭ އިތުރު މަޢުލޫމާތު ބޭނުންނަމަ fisheriesmanagement@fisheries.gov.mv އަށް އީމެއިލް ކުރުން، ނުވަތަ 3339224/3339229 އާ ގުޅުމުން މައުލޫމާތު ލިބޭނެ އެވެ.
ޕްރޮޕޯސަލް ހުށަހެޅުމުގެ ސުންގަޑިއަކީ 20 ނުވެމްބަރު 2024 ވާ ބުދަ ދުވަހުގެ 1200 އެވެ. ސުންގަޑި ހަމަވުމަށް ފަހު ހުށަހަޅާ އެއްވެސް ޕްރޮޕޯސަލެއް ބަލައެއް ނުގަނެވޭނެ ކަމަށް އިއުލާނުގައި ވަނީ ބުނެފަ އެވެ.
މަސްވެރިންގެ ދުވަހުގެ މުނާސަބަތުގައި ބާއްވާ ރަސްމީ ޖަލްސާގައި ދޭ އެވޯޑްގެ ގޮތުގައި ބޭނުންކުރުމަށް ހޮވޭ ޑިޒައިން ފަރުމާކުރި ފަރާތަށް 15,000ރ. ގެ ފައިސާގެ އިނާމެއް ދިނުމަށް ވަނީ ހަމަޖެހިފަ އެވެ.
