ކޮމިޝަނާ އޮފް ޕޮލިސް އަލީ ޝުޖާއު މަޤާމުން އިސްތިއުފާ ދެއްވުމާއި ގުޅިގެން މިޝަނަރ އޮފް ޕޮލިސްގެ މަސްއޫލިއްޔަތު ވަގުތީގޮތުން އަދާކުރައްވަން ޑެޕިއުޓީ ކަމިޝަނަރ އޮފް ޕޮލިސް ފަރުހާދު ފިކުރީ ހަމަޖައްސަވައިފިއެވެ.
ދާޚިލީ ސަލާމަތާއި ފަންނިއްޔާތާ ބެހޭ ވަޒީރު ޢަލީ އިޙްސާން ހޮނިހިރުދުވަހުގެރޭ ”އެކްސް“ ގައި ކުރެއްވި ޕޯސްޓެއްގައި ވިދާޅުވީ ކަމިޝަނަރ އޮފް ޕޮލިސް ޢަލީ ޝުޖާޢު އެމަޤާމުން އިސްތިއުފާ ދެއްވުމާއި ގުޅިގެން ދިވެހި ފުލުހުންގެ ޚިދުމަތުގެ ޤާނޫނުގައިވާ ގޮތުގެމަތިން ކަމިޝަނަރ އޮފް ޕޮލިސްގެ މަސްއޫލިއްޔަތު ވަގުތީގޮތުން އަދާކުރައްވަން ޑެޕިއުޓީ ކަމިޝަނަރ އޮފް ޕޮލިސް ފަރުހާދު ފިކުރީ ކަނޑައަޅުއްވާފައިވާ ކަމަށެވެ.
ކޮމިޝަނަރ އޮފް ޕޮލިސް ޢަލީ ޝުޖާޢު މަަޤާމުގެ އިސްތިޢުފާ ހުށައެޅުއްވުމާ ގުޅިގެން ރައީސުލްޖުމްހޫރިއްޔާވަނީ އިސްތިޢުފާ ޤަބޫލުފުޅު ކުރައްވާފައެވެ. މިކަން ހާމަކުރެއްވީ ރައީސް އޮފީހުގެ ސްޕޯރކްސް ޕާރސަން ހީނާ ވަލީދު އެކްސްގައި ކުރެއްވި ޕޯސްޓެއްގައެވެ.
ޝުޖާއު އިސްތިއުފާ ދެއްވީ، މިމަހުގެ 18ވަނަ ދުވަހު އުމުރުން 21 އަހަރުގެ ހައްވާ ޔުމްނު ރަޝީދު, ފުރާޅެއް މައްޗަށް ވެއްޓިފައި އޮތް މައްސަލައިގެ ތަހުޤީގުގައި ފުލުހުން އަމަލުކުރި ގޮތަށް ވަނީ ވަރަށް ބޮޑަށް ފާޑުކިޔުން އަމާޒުވެފައިވާ ދަނޑިވަޅެއްގައެވެ.
އަދި ވެއްޓުނު އަންހެން މީހާއަށް އިންސާފު ހޯދައިދިނުމަށް މިހާރު ޒުވާނުން ކުރާ މުޒާހަރާތަކުގައިވެސް ޝުޖާއުގެ އިސްތިއުފާއަށް ގޮވާލަމުންދިޔަކަން ފާހަގަ ކޮށްލެވެއެވެ. މިގޮތުން ހުކުރު ދުވަހުގެރޭވެސް ވަނީ ޒުވާނުން އެއްވެ މާލޭގެ މަގުތަކުގައި ސީޕީ ޝުޖާއުގެ އިތުރުން ޓްރާންސްޕޯރޓް މިނިސްޓަރ އަމީން އަދި ހޯމް މިނިސްޓަރު އަލީ އިހުސާންގެ އިސްތިޢުފާއަށް ގޮވާފަކަން ފާހަގަކުރެވެއެވެ.
