ޕްރެޒިޑެންޝަލް ޔޫތު އެޑްވައިޒަރީ ކައުންސިލް ހަތަރު މެންބަރުން އިސްތިއުފާ ދީފިއެވެ.
ޢިސްތިއުފާ ދިން މެންބަރުން ވަނީ އެކަން މީސްމީޑިއާ މެދުވެރިކޮށް ހާމަކޮށްފައެވެ. މިގޮތުން އިސްތިޢުފާދީފައިވާ ތިން މެމްބަރުންނަކީ އާމިނަތު ރަބާބު އިބްރާހީމާއި، ނިމާލު ހަމީދު, ފާތިމަތު ރާއިޔާ ޝަރީފް އަދި ހުވައިނާ މުޙައްމަދު ނިހާދެވެ. މި ހަތަރު މެންބަރުން ކައުންސިލުން ވަކިވެފައިވަނީ މިމަހުހެ 18 ވަނަ ދުވަހު ފެންޓޯނިއާގެއިން ފުރާޅެއްގެ މައްޗަށް ވެއްޓިފައިވާ ހައްވާ ޔުމްނު ރަޝީދު އަށް ”އިންސާފު“ ހޯދުމަށް ޔޫތު ބޯޑުން މަސައްކަތް ނުކުރާކަމަށް ބުނެއެވެ މި ތިން މެންބަރުން ވެސް ސޯޝަލް މީޑިއާގައި ވަނީ އިސްތިއުފާގެ ސަބަބު ބަޔާންކޮށްފައެވެ. މިގޮތުން ހުވައިނާ ވަނީ ޒުވާނުންނަށް އިންސާފާއި ހާމަކަން ބޭނުންވާކަމަށާއި ޒުވާނުންނާއި އެއްކޮށް ހުންނާނެކަމަށް ބުނެފައެވެ.
މިހަތަރު މެންބަރަކު އިސްތިއުފާދީފައިވާއިރު، އެ ކޮމިޓީގެ ރައީސް ކަމުގެ މަޤާމުގައި ހުންނެވި ދާއޫދު އަޙްމަދު ވަނީ މިދިޔަ ބުރާސްފަތި ދުވަހު އެ ކޮމިޓީން ވަކިކޮށްފައެވެ.
މިގޮތުން ރައީސް އޮފީހުގެ އިސް ތަރުޖަމާނު ހީނާ ވަލީދު ވިދާޅުވީ ”ދިވެހި ޒުވާނުންގެ ޤައުމީ ލަފާދޭ ކޮމިޓީ“ގެ ރައީސް ކަމުގެ މަޤާމުގައި ހުންނެވި ދާއޫދު އަޙްމަދު، އެ ކޮމިޓީއިން އިސްތިޢުފާ ދެއްވުމަށް ހުށަހެޅުއްވުމާއި ގުޅިގެން، ރައީސުލްޖުމްހޫރިއްޔާ އެ ކޮމިޓީން އޭނާ ވަކިކުރައްވާފައިވާ ކަމަށެވެ.
ދާއޫދު އެ މަޤާމުން ވަކިކުރެއްވިއިރު، އޭނާ ވަކި ނުކޮށްފިނަމަ، ބޯޑު މެންބަރު ކަމުންނާއި ނައިބު ރައީސް ކަމުން އިސްތިއުފާ ދެއްވާނެ ކަމަށް ދިވެހި ޒުވާނުންގެ ޤައުމީ ލަފާދޭ ކޮމިޓީގެ ނައިބު ރައީސް ނަޒާހާ ނަޒީމް ބުނެފަވެއެވެ.
ޕްރެޒިޑެންޝަލް ޔޫތު އެޑްވައިޒަރީ ކައުންސިލްގައި ޖުމްލަ 15 މެންބަރުން ހިމެނެއެވެ.
އެއީ ރައީސް އައްޔަނުކުރެއްވި ދެ މެންބަރުންނާއި، ޤައުމީ ލެވެލްގެ ދެ އެތުލީޓުންނާއި، ފަންނުވެރިކަމުގެ ދާއިރާއިން ދެ މެންބަރުންނާއި، ޒުވާނުން ބާރުވެރިކުރުމުގެ ދާއިރާއިން ދެ މެންބަރުންނާއި، ޔޫތު މިނިސްޓްރީން ކަނޑައެޅި ހަތަރު ދާއިރާއަކުން ހަތަރު މެންބަރުންނާއި، އަދި ޔުނިވާސިޓީ ސްޓޫޑެންޓް ޔޫނިއަންތަކުގެ ތިން ރައީސުން މި ބޯޑުގައި ހިމެނެއެވެ.
މިދިޔަ ބުދަ, ބުރާސްފަތި އަދި ހުކުރު ދުވަހުގެރޭވެސްވަނީ ޒުވާނުން މަގުތަކަށް ނިކުމެ މުޒާހަރާކޮށް ޔުމްނުއަށް އިންސާފުހޯދައިދޭން ސަރުކާރަށް ގޮވާލާފައެވެ. މިގޮތުން ހުކުރުދުވަހުގެރޭގެ މުޒާހަރައިގައި ބައިވެރިވި ޒުވާނުން ސަރުކާރުގެ ބައެއް ވަޒީރުންގެ އިސްތިއުފާއަށް ގޮވާލާފައިވާކަން ފާހަގަކުރެވެއެވެ. މީގެ އިތުރުން މުޒާހަރައިގެ ބައިވެރިންވަނީ ޔުމްނު ވެއްޓުނު މައްސަލައިގެ ތަޙިޤީގާއިމެދު ހިތްހަމަނުޖެހި މުޒާހަރައިގެ ބައިވެރިންގެ ޑިމާންޑްތަކެއްވެސް ހުށަހަޅައިފައެވެ.
