ޤާނޫނު އަސާސީއަކީ އެވަގުތަކު ވެރިކަމުގައި ހުންނަ މީހަކު ބޭނުންވީމާ ބޭނުންވާ ގޮތަށް ބަދަލު ގެނެވޭނެ އެއްޗަކަށް ވެގެން ނުވާނެ ކަމަށް ކުރީގެ ނައިބު ރައީސް ފައިސަލް ނަސީމް ވިދާޅުވެއްޖެއެވެ
އެމަނިކުފާނު މިހެން ވިދާޅުވީ ފޭސްބުކްގައި ކުރެއްވި ޕޯސްޓެއްގައެވެ.
ރައީސުލްޖުމްހޫރިއްޔާ ކަމުގެ މަޤާމަށް މީހަކު އިންތިޚާބު ވާން ޖެހޭނީ ވޯޓުދޭ މީހުންގެ އަގުލަބިއްޔަތުން ކަމަށް ފައިސަލް ފޭސްބުކްގައި ކުރެއްވި ޕޯސްޓްގައި ވިދާޅުވިއެވެ. އަދި މިހާރު ޤާނޫނު އަސާސީއަށް ގެންނަން އުޅޭ ކަމަށް ’އަޑު އިވޭ‘ ބަދަލަކީ ޤާނޫނު އަސާސީގެ މުޅި ރޫހާއި ދިމިގުރާތީ އުސޫލުތަކާ މުޅިން ޚިލާފު ބަދަލެއް ކަމަށްވެސް ފައިސަލް ވިދާޅުވެފައިވެއެވެ. އަދި،އެމަނިކުފާނު ދެކިވަދައިގަންނަވާގޮތުގައި އެ ނިންމުމަކީ ރައްޔިތުންނަށް ފައިދާ ހުރި ނިންމުމަކަށް ނުވާނެ ކަމަށް ވިދާޅުވިއެވެ. އަދި އިތުރު ދައުރެއް ހޯދުމަށް ޤާނޫނު އަސާސީ ބަދަލު ކުރުމަކީ ރަނގަޅު ގޮތެއް ނޫން ކަމަށާއި. ޤާނޫނު އަސާސީއަކީ ހުރިހާ ރައްޔިތުންގެ ޝާމިލްވުމާއި ހައްޤު ކަށަވަރުކޮށްދޭ އެއްޗެއް.ކަމަށާއި އެއީ ރަމްޒީ އެއްޗެއް ނޫންކަމަށްވެސް ފައިސަލް ވިދާޅުވިއެވެ.
ކުރީގެ ނައިބު ރައީސް ފައިސަލް ނަސީމް މިހެން ވިދާޅުވެފައިވާއިރު ޙަރަދު ކުޑަކުރުމުގެ ނަމުގައި ރިޔާސީ އިންތިޚާބުގެ ދެވަނަ ބުރު އުވާލައި ރިޔާސީ އިންތިޚާބާއި ރައްޔިތުންގެ މަޖިލީހުގެ އިންތިޚާބު އެއްކޮށްލުމަކީ އިޙްލާސްތެރިކަމެއް ނެތް ބަދަލެއްގެ ގޮތުގައި އެމްޑީޕީގެ ޗެއާޕާސަން ފައްޔާޒު އިސްމާޢިލްވަނީ ވިދާޅުވެފައެވެ. އެހެނަސް ރިޔާސީ އިންތިޚާބުގެ ދެވަނަ ބުރު ބޭއްވުމުގެ ބަދަލުގައި އެއް ބުރުން ވެރިއަކު ހޮވާ ގޮތަށް ބަދަލުކުރަން ތާއީދު ކުރައްވާ ކަމަށް ރައީސް ނަޝީދު ވިދާޅުވެފައިވާކަން ފާހަގަކޮށްލެވެއެވެ. އަދި ހަމަ އެހެންމެ ރިޔާސީ އިންތިހާބު އެއްބުރުން ނިންމަން ޤާނޫނު އަސާސީ އިސްލާހުކުރި މަޖިލީހުގެ މެމްބަރު އިބްރާހިމް އިސްމާއިލްވެސް ވަނީ ތާއީދުކުރައްވާފައެވެ. ފާހަގަކޮށްލެވޭ ގޮތުގައި ފައިސަލް ނަސީމް އަކީވެސް އަކީ ޤާނޫނު އަސަސީ އެކުލަވާލި މަޖިލީހުގެ މެމްބަރެކެވެ.
