ސުޕްރީމް ކޯޓުން ދެއްވި 10 ދުވަސް ހަމަވީ 28 ފެބްރުއަރީ 2025 އަކަށް ނޫންކަމަށް އެޓާނީ ޖެނެރަލް އަހުމަދު އުޝާމް ވިދާޅުވެއްޖެއެވެ.
އުޝާމް މިގޮތަށް ވިދާޅުވެ ރައްދުދެއްވީ ކެންދޫދާއިރާގެ ކުރީގެ ރައްޔިތުންގެމަލިސް މެމްބަރު އުސްތާޛު އަލީ ހުސައިން އަށް އަމާޒުކުރައްވާއެވެ.
އޭޖީ އުޝާމް، އަލީ ހުސައިންނަށް ރައްދު ދެއްވާފައިވަނީ މިއަދު އުޝާމްގެ ރަސްމީ އެކްސްގައި ކޮށްފައިވާ ޕޯސްޓެއްގައެވެ. ޕޯސްޓުގައި ހިއްސާކޮށްފައިވަނީ، ތިކުރާ ކަންތައްތަކަކީ ކޮންމެ ސަބަބަކާ ގުޅިގެން ކުރާ ކަންތަކެއް ނަމަވެސް ފާޅުގަ ފެންނަން ހުންނަ ކަންކަމުގަވެސް ތިވަރަށް ދޮގު ހަދައި އޮޅުވާލުމަކީ ތިމާމީހާގެ ނިޔަތް ސާފުވެގެންދާ ކަމެއް ކަމަށް ހިއްސާކޮށްފައިވެއެވެ. އަދި ތިޔަބުނާ މައްސަލާގައި ސުޕްރީމް ކޯޓުން ދެއްވާފައިވަނީ ރަސްމީ 10 ދުވަހުގެ މުއްދަތެއް ކަން ހާމަކޮށްފައިވެއެވެ. އިތުރުން ހިއްސާކޮށްފައިވާނީ އެމުއްދަތުގެ ތެރޭގައި އޭޖީ އޮފީހުން ކުރަންޖެހޭ ކަންކަން ވާނީ ކޮށްފައިކަމަށެވެ.
އުޝާމް އެކްސްގައި ކޮށްފައިވާ ޕޯސްޓުގައި އިތުރަށް ބުނެފައިވަނީ، އެމުއްދަތު ހަމަވަނީ 28 ފެބްރުއަރީ 2025 އަކަށްނޫންކަމާއި ރަސްމީ ދުވަސް ގުނަންޖެހޭ ގޮތް ”އަޅުގަނޑު“ ކިޔައިނުދިނަސް އެނގޭނެކަމަށް ދެކެން. ކަމުގައެވެ.
އިތުރަށް އުޝާމް ހާމަކޮށްފައިވަނީ މިބަރަކާތްތެރި ރަމަޟާން މަހު ތިޔަފަދަ ދޮގު ވާހަކަތައް ފަތުރައި، ފިތުނަފަސާދަ އުފެއްދުމަށް މަސައްކަތްކުރުމުގެ ބަދަލުގައި ކޮންމެވެސް ހެޔޮ އަމަލެއް ކުރުމުގައި ޝާމިލްވުމަށް ނަސޭހަތްތެރިވަކަމުގައެވ. އަދި ޕޯސްޓުގެ ލިޔުން ނިންމާލަމުން ރަމަޟާން މުބާރުކް ކިޔާފައިވެއެވެ.
އަލި ހުސައިންގެ ސުޕްރީމް ކޯޓަށް ފޮނުވައިފައިވާ ސިޓީ އަކީ، މަޖިލިސްގެ މެމްބަރުންގެ ގޮނޑިގެއްލޭ މައްސަލައިގައި 18 ފެބްރުއަރީ 2025 ދުވަހު ބޭއްވުނު ސުޕްރީމް ކޯޓުގެ ޝަރީއަތުގެ އަޑުއެހުމުގައި މައްސަލަ މައުލޫއީ ގޮތުން ކުރިއަށް ގެންދިޔުމަށް ނިންމައި، މައުލޫއީ ގޮތުން މައްސަލައަށް ޖަވާބުދަރީވުމަށް މައްސަލަ ރައްދުވާ އެޓާނީ ޖެނެރަލް އޮފިސް ( ދައުލަތް )އަށް 10 ދުވަހުގެ ފުރުސަތެއް ދިނުމަށް ނިންމާފައިވާ ނިންމުން، އެމުއްދަތް 28 ފެބްރުއަރީ 2025 ނިޔަލަށް ހަމަވެފައިވާ ކަން ބަޔާން ކޮށްފައެވެ.
އަދި އިތުރަށް ސިޓީގައި ބަޔާން ކޮށްފައިވަނީ ސުޕްރީމް ކޯޓުގެ އަމުރަށް ހިލާފުވެފައިވާތީ ބަންޑާރަނައިބުގެ މައްޗަށް ފިޔަވަޅު އަޅުއްވާ މައްސަލައިގެ ހުށައެޅުމަށް ބަންޑާރަނައިބަށް އަންގަވާދެއްވުން އެދޭކަމުގައެވެ.
އުޝާމް އެކްސްގައިކޮށްފައިވާ ޕޯސްޓު ހިއްސާކޮށްފައިވަނީ އަލީ ހުސައިން އެކްސްގައި ކޮށްފައިވާ ޕޯސްޓު ހިއްސާ ކުރައްވަމުންނެވެ.
