އިންޑިއާގެ 13ވަނަ ބޮޑުވަޒީރު ޑރ. މަންމޯހަން ސިންގް، އަވަހާރަވެއްޖެއެވެ .
އިންޑިޔާގެ ބޮޑުވަޒީރުކަން ކުރެއްވި ޑރ. މަންމޯހަން ސިންގް، އަވަހާރަވީ މިރޭގެ ވަގުތެއްގައި ނިއު ޑެއްލީގެ އޯލް އިންޑިއާ އިންސްޓިޓިއުޓް އޮފް މެޑިކަލް ސައިންސަސް (އެއިމްސް)ގައި ފަރުވާ ހޯއްދަވަމުން ގެންދަނިކޮށެވެ.. ޑރ. މަންމޯހަން ސިންގް، އަވަހާރަވިއިރު އުމުރަކީ 92 އަހަރެވެ.. ޑރ. މަންމޯހަން ސިންގް ދުނިޔޭގެ އަލިކަން ދެކެވަޑައިގަތީ 26 ސެޕްޓެމްބަރ 1932ވަނަ އަހަރުއެވެ .
ޑރ. މަންމޯހަން ސިންގް އިންޑިއާގެ ބޮޑުވަޒީރުކަން ކުރެއްވީ 2004 އިން 2014 އަށެވެ. . އިދިކޮޅު މައި ޕާޓީ ކަމަށްވާ އިންޑިއަން ނެޝަނަލް ކޮންގްރެސްގެ މެންބަރެއް ކަމަށްވާ ޑރ. މަންމޯހަން ސިންގް ވަނީ 1982 އިން 1985 އަށް ރިޒަރވް ބޭންކް އޮފް އިންޑިއާގެ ގަވަރުނަރުކަން ކުރައްވާފައެވެ. . އޭގެ އިތުރުން 1991އިން 1996 އަށް ފިނޭންސް މިނިސްޓަރުކަން ވެސް ޑރ. މަންމޯހަން ސިންގް ކުރެއްވިއެވެ .
ޑރ. މަންމޯހަން ސިންގް އަވަހާރަވުމާ ގުޅިގެން އިންޑިއާގެ ބޮޑުވަޒީރު ނަރެންދްރަ މޯދީ ވަނީ ހަމްދަރުދީގެ މެސެޖެއް ފޮނުއްވާފައެވެ . އަދި މީގެ އިތުރުން އިންޑިއާގެ މަތީ ފަންތީގެ ބައެއް ބޭފުޅުން ތައުޒިޔާ ކުރެއްވިއެވެ . އޭގެ ތެރޭގައި ކޮންގްރެސްގެ ރައީސް މަލިކަރްޖުން ޚަރްގޭ އާއި ވަޔަނާޑް ދާއިރާގެ މެމްބަރު ޕްރިޔަންކާ ގާންދީ ވަދްރާ ހިމެނެ އެވެ
