މިނިސްޓަރ މުހައްމަދު އަމީން ބައިކް މޯލްޑިވްސްގެ އިސް ބޭފުޅުންނާއި ބައްދަލުކުރައްވައި، އެ ކުންފުންޏަށް ދިމާވެފައިވާ ދަތިތަކާއި ގޮންޖެހުންތަކާ ބެހޭގޮތުން މަޝްވަރާކުރައްވައިފިއެވެ.
މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަންގައި ބޭއްވުނު މި ބައްދަލުވުމުގައި، ބައިކް މޯލްޑިވްސްގެ އިސް ވެރިން ބައިވެރިވެ ވަޑައިގެންނެވިއެވެ. މި ބައްދަލުވުމުގައި މިނިސްޓަރ އަމީން، ބައިކް މޯލްޑިވްސްއިން ފޯރުކޮށްދޭ ޚިދުމަތްތަކާއި، އެ ކުންފުންޏަށް ދިމާވެފައިވާ ދަތިތަކާ ބެހޭގޮތުން މަޢުލޫމާތު ހޯއްދެވިއެވެ.
ބައްދަލުވުމުގައި ދެފަރާތުން މަޝްވަރާކުރެއްވި މައިގަނޑު ކަންތައްތަކުގެ ތެރޭގައި، ބައިކް މޯލްޑިވްސްއަށް ދިމާވެފައިވާ ގޮންޖެހުންތަކަށް ހައްލު ހޯދުމަށް މިނިސްޓްރީއާއި ބައިކް މޯލްޑިވްސްއާ ގުޅިގެން ކުރެވިދާނެ މަސައްކަތްތައް ހިމެނެއެވެ. އަދި ބައިކް މޯލްޑިވްސްގެ ފަރާތުން މި ބައްދަލުވުމުގައި ބައިވެރިވެ ވަޑައިގެންނެވި ބޭފުޅުން ކުންފުނީގެ ކުރިމަގާ ބެހޭގޮތުން އޮތް ވިސްނުން ހިއްސާކުރެއްވިއެވެ.
