އެމްޑީޕީގެ ރައީސްކަމުގެ މަގާމުން އިސްތިއުފާދެއްވުމަށް ފަހު، 2028ވަނަ އަހަރުގެ ރިޔާސީ އިންތިހާބުގައި އެ ޕާޓީގެ ފަރާތުން ވާދަކުރައްވާނެ ކެންޑިޑޭޓަކު ހޮވުމަށް ބާއްވާ ޕްރައިމަރީގައި ވާދަކުރައްވާނެކަން ކުރީގެ ޚާރިޖީ ވަޒީރު ޢަބްދުﷲ ޝާހިދު އިޢުލާނުކުރައްވައިފިއެވެ.
ޝާހިދު މިކަން ހާމަކުރެއްވީ އޭނާގެ ކެމްޕޭން ފެށުމުގެ ގޮތުން އައްޑޫ ސިޓީގައި ރޭ ބޭއްވި ޚާއްޞަ ޖަލްސާއެއްގައެވެ.
ޝަހިދުގެ ވާހަފުޅުގައި ވިދާޅުވީ، ޕާޓީގެ އެންމެ އިސް މަގާމުގައި ހުންނަވައިގެން އެތެރޭގެ އިންތިޚާބެއްގައި ވާދަކުރެއްވުމަކީ ޑިމޮކްރެޓިކް އުސޫލުތަކާ ބީރައްޓެހި އަދި ގަބޫލުކުރައްވާ ހަމައެއް ނޫންކަން ފާހަގަކުރައްވަމުން، އޭނާ ވިދާޅުވީ ޕާޓީގެ އެތެރޭގެ ހަމަހަމަކަން ކަށަވަރުކުރުމަށްޓަކައި މަގާމުން ދުރަށް ވަޑައިގަތީ ކަމަށެވެ. މީގެ އިތުރުން، އެމްޑީޕީގެ އެތެރޭގައި އޮތް އެކި ފިކުރުތައް އެއްގަލަކަށް އަރުވައި، އެންމެން ގޮވައިގެން އެއް އަމާޒަކަށް މަސައްކަތްކުރައްވާނެކަމުގެ ޔަގީންކަން ވެސް އޭނާ ދެއްވިއެވެ.
ޢަބްދުﷲ ޝަހިދަކީ ދިވެހިރާއްޖޭގެ ސިޔާސީ ތަޖުރިބާ އާއި ބައިނަލް އަޤުވާމީ ޤަދަރާއި އިހުތިރާމް ހޯއްދަވައިވާ ސިޔާސީ މައިދާނުގައި ގުނާލެވޭ އެއްސަހުސިއްޔަތެވެ.
ޢަބްދުއްﷲ ޝާހިދަކީ، ރައްޔިތުންގެ މަޖިލީހުގެ ރައީސްކަމާއި، ޚާރިޖީ ވަޒީރުކަމުގެ އިތުރުން (އެކުވެރި ދައުލަތް) އދ ގެ 76 ވަނަ އާންމު މަޖިލީހުގެ ރައީސްކަން ކުރެއްވި އެކަމުގެ ސަބަބުން ދިވެހި ތާރީޚުގައި ރަންއަކުރުން ލިޔެވިގެން ގޮސްފައިވާ ހަރުދަނާ ސަހުސިއްޔަތެކެވެ. ދިވެހިރާއްޖޭގެ ސިޔާސީމައިދާނުގައި ނަންހިނގާ ރައްޔިތުން ދަންނަ ބޭފުޅެކެވެ.
ޕާޓީގެ އެތެރޭގެ މަޝްރަޙަށާއި ސިޔާސީ މަޝްރަޙަށް ބަލާއިރު، އެމްޑީޕީގެ ރިޔާސީ ޕްރައިމަރީގައި ވާދަކުރެއްވުމަށް ޝާހިދު ގެންދަވަނީ ސިޔާސީ ގޮތުން ރޭވުންތެރި މަސައްކަތްތަކެއް ކުރައްވަމުންނެވެ.
ސިޔާސީ ތަޖުރިބާއާއި ބައިނަލްއަޤްވާމީ ޤަދަރުގެ މައްޗަށް ބަލާއިރު، ޢަބްދުއްﷲ ޝާހިދަކީ 30 އަހަރަށްވުރެ ދިގު މުއްދަތެއްގައި ދައުލަތުގެ ތަފާތު މަޤާމުތައް ފުރައްވާފައިވާ ބޭފުޅެކެވެ. 1980 ގެ އަހަރުތަކުގެ ތެރޭގައި ޚާރިޖީ ޚިދުމަތުން ސިޔާސީ ދާއިރާއަށް ނުކުމެވަޑައިގެންނެވި ޝާހިދު ވަނީ:
- ރައްޔިތުންގެ މަޖިލީހުގެ ރައީސްކަން: 2009 އިން 2014 އަށް ރައްޔިތުންގެ މަޖިލީހުގެ ރައީސްކަން ކުރައްވައި، ޤާނޫނު އިސްލާހުކުރުމަށް ހެޔޮބަދަލުތައް ގެންނެވުމަށް މުހިންމު ދައުރެއް އަދާކުރެއްވިއެވެ.
- ޚާރިޖީ ވަޒީރުކަން: ރައީސް މައުމޫން އަބްދުލްޤައްޔޫމްގެ ވެރިކަމުގައާއި ރައީސް އިބްރާހީމް މުޙައްމަދު ޞާލިޙްގެ ވެރިކަމުގައި ދެ ފަހަރެއްގެ މަތިން ފޮރިން މިނިސްޓަރުކަން ކުރެއްވިއެވެ.
- އދ. ގެ އާންމު މަޖިލީހުގެ ރައީސްކަން: ދިވެހިރާއްޖޭގެ ތާރީޚުގައި ބައިނަލްއަޤްވާމީ އެންމެ މަތީ މަޤާމު ފުރެއްވި ބޭފުޅާގެ ގޮތުގައި އދ. ގެ 76 ވަނަ އާންމު މަޖިލިސް ކާމިޔާބުކަމާއެކު ހިންގަވައި، ރާއްޖެއަށޝަރަފުވެރި ރީތި ނަމެއް ހޯއްދަވައިދެއްވިއެވެ.
2028 ގެ އެމްޑީޕީ ޕްރައިމަރީގައި ޝާހިދުގެ ފުރުޞަތުތައް ބަލާއިރު، 2023ގެ ރިޔާސީ އިންތިޚާބަށްފަހު އެމްޑީޕީ އިދިކޮޅު ޕާޓީއެއްގެ ގޮތުގައި އަލުން ތަރުތީބުވަމުންދާއިރު، ކުރީގެ ޕާޓީގެ ރައީސްގެ ހައިސިއްޔަތުން ޝާހިދު ގެންދަވަނީ ޕާޓީގެ ސަފުތައް ބަދަހިކުރުމަށް ގިނަ މަސައްކަތްތަކެއް ކުރައްވަމުންނެވެ.
2028ގެ ރިޔާސީ ޕްރައިމަރީގައި ޝާހިދު ވާދަކުރައްވަން ނިންމެވިއިރު، އޭނާއަށް އޮތް އެންމެ ބޮޑު އުންމީދަކީ
އެމްމްޑީޕީގެ ޤައުމީ މަޖިލީހާއި ޢާންމު މެންބަރުންގެ މެދުގައި އޭނާއަށް އޮތް މަޤްބޫލުކަމެވެ. ޝަހިދުގެ ވެރިކަމެއްގައި ޚާރިޖީ ގުޅުންތައް ބަދަހިކޮށް އިޤްތިޞާދީ ފުރުޞަތުތައް ހޯދައިދިނުމުގެ ޤާބިލުކަން ހުރިކަމެވެ. އަދި ޝަހިދު ސަރުކާރުގެ ތެރޭގައާއި ޤާނޫނު ހަދާ މަޖިލީހުގެ ތެރޭގައި ހޯއްދަވާފައިވާ ދިގު މުއްދަތުގެ ތަޖުރިބާ އަކީ ގިނަބައެއްގެ އިތުބާރު ޝަހިދުގެ މައްޗަށް އޮތްކަމެކެވެ،
ޢަބްދުއްﷲ ޝާހިދަކީ ދިވެހި ސިޔާސީ މައިދާނުގައި މިވަގުތު ހުންނެވި އެންމެ ތަޖުރިބާކާރު ސިޔާސި ޤާބިލް ލީޑަރެވެ. 2028 ގެ ރިޔާސީ އިންތިޚާބަށް އެމްޑީޕީގެ ޕްރައިމަރީއަށް ވާދަކުރެއްވުން ވެގެންދާނީ، އެއީ ރާއްޖޭގެ ސިޔާސީ މައިދާނަށް އަންނާނެ ވަރަށް ބޮޑު ސިޔާސި ލޮޅުމަކަށެވެ. ޝާހިދުގެ ތަޖުރިބާއާއި ބައިނަލްއަޤްވާމީ ޤަދަރަކީ އެމްޑީޕީ އަލުން ވެރިކަމަށް އައުމަށް ކުރާ ދަތުރުގައި ބޭނުންކުރެވިދާނެ ޔަޤީންކަމާއި އިތުބާރެކެވެ.
