މާލެއާއި ވިލިމާލޭގެ މަގުތައް ޒަމާނީފެންވަރަށް ތަރައްޤީކުރުމަށް ހަދަންޖެހޭ ދިރާސާގެ މަސައްކަތްތައް ފަށައިފި

މާލެއާއި ވިލިމާލޭގެ މަގުތައް ޒަމާނީފެންވަރަށް ތަރައްޤީކުރުމަށް ހަދަންޖެހޭ ދިރާސާގެ މަސައްކަތްތައް ފަށައިފިއެވެ.

ޒަމާނީ ފެންވަރަކަށް މާލެއާއި ވިލިމާލޭގެ މަގުތައް ތަރައްޤީކުރުމަށް މި މަސައްކަތްކުރަނީ ޗައިނާ ސަރުކާރުން ފޮނުވާފައިވާ ތަޖުރިބާކާރުންގެ ޓީމަކުންނެވެ.

ޒަމާނީ ފެންވަރަކަށް މާލެއާއި ވިލިމާލޭގެ މަގުތައް ތަރައްޤީކުރުމަށް ޗައިނާ ސަރުކާރާ ދިވެހި ސަރުކާރާ ދެމެދު އެއްބަސްވުމެއްގައި ސޮއިކުރައްވާފައިވަނީ ރައީސުލްޖުމްހޫރިއްޔާ ޑރ. މުޙައްމަދު މުއިއްޒު މިއަހަރުގެ ޖެނުއަރީ މަހުގެ ތެރޭގައި ޗައިނާއަށް ކުރެއްވި ރަސްމީ ދަތުރުފުޅުގެ ތެރެއިންނެވެ.

ޢިމާރާތްކުރުމާއި ބިނާރާއިބެހޭ ވުޒާރާއިން ވިދާޅުވީ، މާލެއާއި ވިލިމާލޭގެ މަގުތައް ޒަމާނީފެންވަރަށް ތަރައްޤީކުރުމަށް ހަދަންޖެހޭ ދިރާސާގެ މަސައްކަތްކުރާ ތަޖުރިބާކާރުންގެ ޓީމު މިހާރު ރާއްޖެ އައިސްފައިވާ ކަމަށެވެ. އަދި މި ޓީމުން ހަދާ ދިރާސާތަކާއި މަޢުލޫމާތު އެއްކުރުމުގެ މަސައްކަތް މިމަހުގެ 5 އިން 21 އާ ހަމައަށް ކުރިއަށްގެންދާނެކަމަށް އެ ވުޒާރާއިން ވިދާޅުވިއެވެ.

The Expert Team appointed by the Government of China to carry out the feasibility study of the Redevelopment of Male’ and Villimale’ Road Project arrived on 3rd November 2024.

Today, the Ministry held an introductory session with the team, which was presided over by Minister of… pic.twitter.com/EqZSWFHUmD
— Ministry of Construction and Infrastructure (@MoCImv) November 4, 2024

މި ދިރާސާތައް ވާނީ މަގު ހެދުމުގެ މަޝްރޫޢު ކުރިއަށްގެންދާނެ ގޮތް ރޭވުމުގައި މުހިންމު ދައުރެއް އަދާކުރާނެ އެއްޗަކަށް ކަމަށް ބިނާރާބެހޭ ވުޒާރާއިން ވިދާޅުވިއެވެ.

މާލެއާއި ވިލިމާލޭގެ މަގުތައް ޒަމާނީ ފެންވަރަށް ތަރައްޤީކުރުމަށް ހަމަޖެހިފައިވަނީ ޗައިނާ ސަރުކާރުގެ ހިލޭ އެހީގައެވެ. މި މަސައްކަތުގެ ދަށުން ބޮޑުތަކުރުފާނު މަގު ތަރައްޤީކުރުމުގެ މަޝްރޫޢު ހިމެނޭހެން، މާލޭގެ މަގުތައް ތާރުއަޅައިގެން ތަރައްޤީކުރުމަށް ހަމަޖެހިފައިވެއެވެ.

މި މަޝްރޫއުގެ ދަށުން މާލޭގެ މަގުތައް ހަދާނީ ފެނާއި ނަރުދަމާގެ ނިޒާމާއި ކަރަންޓު އަޕްގްރޭޑް ކުރުމާއި ސްޓޯމް ވޯޓާ ނިޒާމާއި ފަޔާ ހައިޑްރަންޓްގެ ނިޒާމުވެސް ގާއިމުކޮށްގެންކަމަށް ސަރުކާރުން ވިދާޅުވެއެވެ.