މީޑިއާތަކަށް 2025 ވަނަ އަހަރު މާލީ އެހީތެރިކަން ދިނުމާބެހޭ އުސޫލު ބަދަލުކޮށް އެ އުސޫލު އާންމުކޮށްފި އެވެ.
ރަޖިސްޓްރީ ކޮށްގެން ހިންގާ އަމިއްލަ މީޑިއާތަކަށް ދައުލަތުން މާލީ އެހީ ދިނުމުގެ އުސޫލެއް މީގެ ކުރީން ވެސް އާންމުކުރި އެވެ. ނަމަވެސް އެ އުސޫލާއިމެދު އޮތް ކަންބޮޑުވުންތަކާއެކު އުސޫލަށް ބަދަލު ގެންނަން ނިންމީ އެވެ.
މިއަދު މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަނުން ވަނީ މީޑިއާތަކަށް 2025 ވަނަ އަހަރު މާލީ އެހީތެރިކަން ދިނުމާބެހޭ އުސޫލު އާންމުކޮށްފަ އެވެ. މި ފަހަރުގެ އުސޫލުގައި މީޑިއާގެ މުއްދަތަށް ބަލައި މާކްސް ދިނުމުގައި ކަނޑައަޅާފައިވާ ގޮތާއި މުވައްޒަފުންގެ އަދަދަށް ބަލައި މާކްސް ދިނުމަށް ކަނޑައެޅިފައިވާ ގޮތް ތަފްސީލުކޮށް ހިމަނާފައިވެ އެވެ.
މިހާރު އޮތްގޮތުން ރަޖިސްޓްރީކޮށް ލައިސަންސް ނަގައިގެން ހިންގާ މުއްދަތަށް ބަލާ 10 މާކްސް ދިނުމަށް ހިމަނާފައިވެ އެވެ.
- ރަޖިސްޓްރީކޮށް ލައިސަންސް ނަގައިގެން ހިންގާ މުއްދަތު 1 އަހަރާއި 2 އަހަރާ ދެމެދު ނަމަ 3 މާކްސް
- ރަޖިސްޓްރީކޮށް ލައިސަންސް ނަގައިގެން ހިންގާ މުއްދަތު 3 އަހަރާއި 4 އަހަރާ ދެމެދު ނަމަ 4 މާކްސް
- ރަޖިސްޓްރީކޮށް ލައިސަންސް ނަގައިގެން ހިންގާ މުއްދަތު 5 އަހަރާއި 6 އަހަރާ ދެމެދު ނަމަ 5 މާކްސް
- ރަޖިސްޓްރީކޮށް ލައިސަންސް ނަގައިގެން ހިންގާ މުއްދަތު 7 އަހަރާއި 8 އަހަރާ ދެމެދު ނަމަ 6 މާކްސް
- ރަޖިސްޓްރީކޮށް ލައިސަންސް ނަގައިގެން ހިންގާ މުއްދަތު 9 އަހަރާއި 10 އަހަރާ ދެމެދު ނަމަ 7 މާކްސް
- ރަޖިސްޓްރީކޮށް ލައިސަންސް ނަގައިގެން ހިންގާ މުއްދަތު 11 އަހަރާއި 12 އަހަރާ ދެމެދު ނަމަ 8 މާކްސް
- ރަޖިސްޓްރީކޮށް ލައިސަންސް ނަގައިގެން ހިންގާ މުއްދަތު 13 އަހަރާއި 14 އަހަރާ ދެމެދު ނަމަ 9 މާކްސް
- ރަޖިސްޓްރީކޮށް ލައިސަންސް ނަގައިގެން ހިންގާ މުއްދަތު 15 އަހަރަށްވުރެ ދިގު މުއްދަތެއް ހޭދަވެފައިވާނަމަ 10 މާކްސް
މީގެ އިތުރުން މުވައްޒިފުންގެ އަދަދު ތިނަކަށް ވުރެ މަދުނަމަ ފަސް މާކުސް ހަތަރު މުވައްޒިފުންނާއި ހަމަ މުވައްޒިފުން ހިމެނޭނަމަ ހަ މާކުސް އަދި ހަތް މުވައްޒިފުންނާއި ނުވަ މުވައްޒިފުން އުޅޭނަމަ ހަތް މާކްސް ދިނުމަށް ހިމަނާފައިވެ އެވެ.
މުވައްޒިފުންގެ އަދަދު 10 އަކާއި 12 އާ މެދު ހިމެނޭނަމަ 8 މާކްސް އަދި 19 އާއި 21 އާ ދެމެދު މުވައްޒިފުންގެ އަދަދު ހުރިނަމަ 11 މާކުސް ދިނުމަށް ހިމަނާފައިވެ އެވެ. މުވައްޒިފުންގެ އަދަދު 25 އާއި 27 އާ ދެމެދު ނަމަ 13 މާކުސް އަދި 28 އާއި 30 އާ ދެމެދު ނަމަ 14 މާކުސް ދިނުމަށް ހިމަނާފައިވެ އެވެ.
މުވައްޒިފުންގެ އަދަދު 31 އަށް ވުރެ އިތުރުނަމަ 15 މާކުސް ލިބޭނެ އެވެ.
މީގެ އިތުރުން މީޑިއާ ނުވަތަ މީޑިއާ ހައުސް ކުރިއެރުވުމަށް ކުރާ މަސައްކަތަށް ގިނަވެގެން 15 މާކުސް ދިނުމަށް ހިމަނާފައިވެ އެވެ. ކޮންޓެންޓާއި ބާވަތާއި ބަލާ ހުށައަޅާ ޕްރޮޕޯސަލަށް 30 މާކުހާ ހަމައަށް ދިނުމަށް ކަނޑައަޅާ އުސޫލުގައި އެކަން ތަފްސީލުކޮށްފައިވެ އެވެ.އަދި މުވައްޒިފުންގެ ތައުލީމީ ފެންވަރާއި ތަޖުރިބާއަށް ބަލާ ވެސް މާކުސް ދޭނެ އެވެ.
