2025 ނޮވެންބަރު 2 ވާ އާދީއްތަ ދުވަހަކީ، ސަރުކާރު ބަންދު ދުވަހެއްގެ ގޮތުގައި ރައީސުލްޖުމްހޫރިއްޔާ ހަމަޖައްސަވައިފިއެވެ.
މިގޮތަށް ހަމަޖެއްސެވީ، ނަޞްރުގެ ދުވަސް ކަމުގައިވާ ނޮވެންބަރު މަހުގެ 3ވަނަ ދުވަހަކީ، ސަރުކާރު ބަންދު ދުވަހެއް ކަމަށްވުމާއެކު، ނަޞްރުގެ ދުވަހުގެ ކުރިއަށް އޮތް ދުވަހަކީ (2025 ނޮވެންބަރު 2 ވާ އާދީއްތަ ދުވަހަކީ) ރަސްމީ ދުވަހެއް ކަމަށްވާތީ، ބަންދު ދުވަސްތަކަށް މެދުކެނޑުމެއްނައިސް، މުވައްޒަފުންނަށް ޗުއްޓީ ލިބޭގޮތަށް ހަމަޖައްސަވައި ދެއްވުމަށްޓަކައި ކަމަށް ދަންނަވަން ރައީސުލްޖުމްހޫރިއްޔާ ވިދާޅުވިއެވެ.
ނަސްރުގެ ދުވަހުގެ ގޮތުގަައި ފާހަގަ ކުރަނީ 1988ވަނަ އަހަރުގެ ނޮވެމްބަރ މަހުގެ 3ވަނަ ދުވަހު ދިވެހި ރާއްޖެއަށް ކުރިމަތި ވި އުދުވާނީ ހަމަލާއިން ސަލާމަތްވެ ދިވެހި ޤައުމަށް ލިބުނު ނަޞްރު ފާހަގަ ކުރުމުގެ ގޮތުންނެވެ.
