ދިވެހިރާއްޖޭގައި ޑޮކްޓަރުކަން ކިޔެވި ފުރަތަމަ 20 ދިވެހި ދަރިވަރުންގެ ބެޗު އިންޓާންޝިޕް ފުރިހަމަކުރުމަށް ފަހު، ހިދުމަތަށް ނުކުންނަން ތައްޔާރުވެއްޖެއެވެ. މިއީ ރާއްޖޭގެ ތާރީޚުގައި އަމިއްލަ ޤައުމުގައި ތިބިގެން ޑޮކްޓަރކަން ކިޔެވި ދަރިވަރުންނެވެ.
އައިޖީއެމްއެޗުން އިއްޔެ ވަނީ އެ ދަރިވަރުންގެ އިންޓާންޝިޕް ފުރިހަމަކޮށްފައިވާކަން އިއުލާނުކޮށްފައެވެ.
ރާއްޖޭގައި މެޑިސިން ކިޔަވާދޭން ފެށީ 2018 ގައެވެ. މެލޭޝިޔާގެ ގައުމީ ޔުނިވާސިޓީއެއް ކަމަށްވާ ކެބެންސާންސާ ގުޅިގެން މޯލްޑިވްސް ނޭޝަނަލް ޔުނިވާސިޓީ (އެމްއެންޔޫ) ގެ މެޑިސިން ސްކޫލުގެ ފުރަތަމަ އެމްބީބީއެސް ކޯސް ފެށީ އެ އަހަރު ސެޕްޓެންބަރުގައެވެ.
އައިޖީއެމްއެޗުން ވަނީ އަލަށް ހިދުމަތަށް ނުކުންނަން ތައްޔާރުވި 20 ޑޮކްޓަރުންނަށް މަރުހަބާ ކިޔާފައެވެ. އެ ހޮސްޕިޓަލުން ވިދާޅުވީ، އެ ޑޮކްޓަރުންނަކީ ބަލިމީހުންނަށް ފަރުވާ ދިނުމުގައި އާއި، އިމްޖެންސީ ހާލަތުގައި ނަމޫނާ ދައްކާނެ ޑޮކްޓަރުން ތަކެއް ކަަމަށެވެ.
މިއީ ގައުމީ ޔުނިވާސިޓީއަށާއި، ރާއްޖެއަށް ތަރީހީ ކާބިޔާބީއެއް ކަމަށް ވިދާޅުވިއެވެ.
