މާލޭގެ ފަޅުތެރެއިން ދުވާލަކަށް، އެންމެ ބޮޑު 100 ޑަސްބިން ކޮތަޅުގެ ކުނި ނަގަންޖެހޭ ކަމަށާއި މާލޭގެ މަގުމަތިން ދުވާލަކު 30 ޓަނުގެ ކުނި ނަގަން ޖެހޭކަމަށް މާލޭސިޓީގެ މޭޔަރ އާދަމް ޢާޒިމް ވިދާޅުވެއްޖެއެވެ.
މޭޔަރ ޢާޒިމް މިފަދައިން ވިދާޅުވީ ބައިނަލްއަގުވާމީ ގޮތުން ފާހަގަ ކުރަމުން އަންނަ، ތިމާވެށީގެ ދުވަހާ ގުޅިގެން އެކްސްގައި މިއަދު ކުރެއްވި ޕޯސްޓެއްގައެވެ.
މޭޔަރ ޢާޒިމް ވިދާޅުވީ، ރަށް ގިރުމާއި، އުދަ އެރުމާ ފަރުގެ ގާތަށް މަރުވުމާއި، މޫސުމީ ވިއްސާރައާއި ކުނީގެ މައްސަލަތަކަކީ، އެ ކަންކަމުގެ އުނދަގޫ ތަޙައްމަލް ކުރަން ޖެހިފައިވާ ކަންތައްތައް ކަމަށެވެ. އަދި މި ހުރިހައި ކަމެއް ހައްލުކުރުމުގެ ބާރު އަޅުގަނޑުމެންގެ ކިބައިގައި ނެތް ނަމަވެސް، ކުނީގެ މައްސަލަ ފަދަ، ތިމާވެށްޓަށް އަސަރުކުރާ، ކަންކަން ޙައްލުކުރުމުގެ ބާރު، އަޅުގަނޑުމެން އަތުގައި އެ ބައޮތްމަށް މޭޔަރ ޢާޒިމް ވިދާޅުވި އެވެ.
އިތުރަށް މޭޔަރ ޢާޒިމް ވިދާޅުވީ، ނާޒުކު ތިމާވެށި ޙިމާޔަތްކުރުމަށް ފަރުދީ ފެންވަރުގައި ކުރެވެން ހުރި ކަންކަން ކުރުމަށް ދިވެހި ލޮބުވެތި ރައްޔިތުންނަށް އިލްތިމާސް ކުރަށްވާ ކަމަށެވެ. އަދި ދިވެހި ރާއްޖެއަކީ، ދުނިޔޭގެ ނިސްބަތުން، ތިމާވެށީގެ އެންމެ ގިނަ މައްސަލަތައް ކުރިމަތިވެފައިވާ އެއް ޤައުމުގަކަން ފާހަގަކުރަން ޖެހޭ ކަމަށް ވިދާޅުވިއެވެ.
ދުނިޔޭގެ ތިމާވެށީގެ ދުވަސް ކޮންމެ އަހަރެއްގައި ފާހަގަކުރަނީ ޖޫން މަހުގެ ފަސް ވަނަ ދުވަހުއެވެ. އަދި މި ދުވަސް ރަމުޒުކޮށްދެނީ ތިމާވެށްޓާމެދު ހޭލުންތެރިކަން އިތުރުކޮށް، ފިޔަވަޅު އެޅުމަށް ހިތްވަރު ދިނުމަށް ދުނިޔޭގެ ފެންވަރުގައި ކުރާ މަސައްކަތެވެ.
