ބާރަ ރަށެއްގެ ލޯކަލް ކައުންސިލާއި އަންހެނުންގެ ތަރައްގީއަށް މަސައްކަތްކުރާ ކޮމެޓީތަކަށް މެމްބަރުން ހޮވުމަށް މިއަދު ބޭއްވި ބައި-އިލެކްޝަނުގައި ވާދަކޮށް ސަރުކާރު ހިއްސާވާ ޕާޓީ ޕީއެންސީން ހޯދި ކާމިޔާބީއަށް ރައީސް ޑރ. މުހައްމަދު މުއިއްޒު މަރުހަބާ ދަންނަވައިފިއެވެ.
އިންތިޚާބު ކާމިޔާބުކޮށް އެ ޕާޓީން ހޯދި ކާމިޔާބީ ފާހަގަކުރައްވާފައި ވަނީ ރައީސް އެކްސްގައި ކުރެއްވި ޕޯސްޓެއްގައެވެ.
އެމަނިކުފާނު ކުރެއްވި ޕޯސްޓުގައި ވަނީ ލޯކަލް ކައުންސިލްތަކުގެ ބައި އިލެކްޝަންގައި މިއަދު ބާއްވަން ކަނޑައެޅި 37 ގޮނޑީގެ ތެރެއިން އިންތިޚާބަކާ ނުލައި 24 ގޮނޑި ޕީއެންސީން ކާމިޔާބު ކުރި ކަމަށެވެ. އަދި މިއަދު ބޭއްވި އިންތިޚާބުން ނުވަ ގޮނޑި އެ ޕާޓީން ކާމިޔާބު ކުރުމަކީ ޕާޓީއަށް ލިބުނު ވަރަށް ބޮޑު ކާމިޔާބީއެއް ކަމަށް ރައީސް ވަނީ ލިޔުއްވާފައެވެ.
އެމަނިކުފާނު ކުރެއްވި ޕޯސްޓްގައި އަތޮޅު ކައުންސިލްގެ ރައީސް ކަމުގެ 1 ގޮނޑި ރަށު ކައުންސިލް ރައީސްކަމުގެ 1ގޮނޑި ، ރަށުކައުންސިލް މެމްބަރު ކަމުގެ 2ގޮނޑި އތމ ކޮމެޓީ 29ގޮނޑި މިއަދު ޕީ އެންސީ އިން ވަނީ ކާމިޔާބުކޮށްފައި ކަމަށް ވިދާޅުވެފައި ވެއެވެ. އިންތިޚާބުގައި ކާމިޔާބު ކުރި ފަރާތްތަކަށް ރައީސް މަރުޙަބާ ދަންނަވާފައި ވެއެވެ.
