އިދިކޮޅު މައި ޕާޓީ، މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) އާ ދަ ޑިމޮކްރެޓްސް ގުޅިގެން ސިޔާސީ މަސައްކަތްކުރުމަށް އެއްބަސްވެއްޖެ އެވެ.
19 ޑިސެންބަރު 2024 ވީ ބުރާސްފަތިދުވަހު ޑިމޮކްރެޓްސް އިން ބޭއްވި ޤައުމީ މަޖިލީހަށް ދެކަމެއް ހުށަހެޅުނެވެ. އެއް ކަމެއްގެ ގޮތުވަނީ އެކުގައި މަސައްކަތް ކުރުމަށް އެމްޑީޕީން ދިން ދައުވަތުގެ ސިޓީއަށް ގޮތެއް ނިންމުމެވެ. އެމްޑީޕީއާ އެކު މަސައްކަތްކުރުމާއެކު އެހެން ސިޔާސީ ޕާޓީތަކާ އެކު ގުޅިގެން މަސައްކަތް ކުރަން ހުށަހެޅި ހުށަހަޅުން ފާސްކުރީ ގައުމީ މަޖިލީހުގެ މެންބަރުންގެ އިއްތިފާގުންނެވެ.
އަދި ޤައުމީ މަޖިލިސްގައި ސަރުކާރު ހަމަ މަގަށް އަޅުވައި، ޒިންމާދާރު ކުރުވުމުގެ މަސައްކަތް އިތުރަށް ފުޅާކުރުމުގެ ގޮތުން ސިޔާސީ ޕާޓީތަކާ ޖަމިއްޔާ ޖަމާއަތްތަކާއެކު އެއްބަސްވެވޭ ހަމަތަކުގެ މަތިން މަސައްކަތް ކުރުމަށް ގަރާރެއް ވެސް ހުށަހެޅުނެވެ. އެ ގަރާރު ހުށަހެޅުއްވީ ޕާޓީގެ ނައިބު ރައީސް މުހައްމަދު ޝިފާޒް އެވެ.
ދަޑިމޮކްރެޓްސް ގެ ރަސްމީ އެކްސް އެކައުންޓުން ކުރި ފޯސްޓެއްގައި ހިއްސާކޮށްފައި އިތުރު ތަފްސީލްވަނީ ހިމަނާ
އެ ގަރާރު ހުށަހެޅި ސަބަބުތައް:
- ސަރުކާރުން ވެފައިވާ ވައުދުތައް ނުފުއްދުމާއި، އަދި ވައުދުތަކާ ހިލާފުވުން
- ރާއްޖޭގެ އިގްތިސާދަށާއި މާލިއްޔަތަށް ގެއްލުން ބޮޑު އެތައް ކަމެއް ތަކުރާރުވުން، ސަރުކާރުގެ ކޮރަޕްޝަނާއި ވައްކަން އިތުރުވަމުން ދިޔުން
- ގާނޫނުއަސާސީން ތަރުތީބު ކޮށްފައިވާ ޑިމޮކްރަޓިކް ނިޒާމު ބަލިކަށިކޮށް، ދައުތަލުގެ މުއައްސަސާތައް ރައީސަށް ކޮންޓްރޯލް ލިބޭގޮތަށް ބަދަލުކޮށް، ގާނޫނުއަސާސީއަށް ކުއްލި ބޮޑެތި ބަދަލުތަކެއް ގެނެސް ސަރުކާރު ޖަވާބުދާރީ ކުރުމަށް ހުރި ދޮރުތައް ސަރުކާރުން ބަންދު ކުރުން
އެ ކަންކަމަކީ ޒިންމާދާރު ސަރުކާރަކުން ކޮށްގެންވާނެ ކަމަކަށް ނުވާތީ، އެކަން އެގޮތަށް ކުރަމުން ގެންދަނީ ރަނގަޅު ނިޔަތުގައި ނޫންކަމަށާއި، އެއީ ގަސްތުގައި ކުރާ ކަމެއްގެ ގޮތުގައި ޑިމޮކްރެޓްސް އިން ދެކޭތީ ޝިފާޒް ހުށަހެޅީ ސަރުކާރު ހަމަ މަގަށް އަޅުވައި ޖަވާބުދާރީ ކުރުމަށް، އެއްބަސްވާ ހުރިހާ ސިޔާސީ ޕާޓީތަކާއި ޖަމިއްޔާ ޖަމާއަތްތަކާ އެކު އެއްބަސްވެވޭ ހަމައެއްގެ މަތިން މަސައްކަތް ކުުރުމަށެވެ.
