ވިނަރެސް މަޝްރޫޢު އިން ފުލެޓް ގަނެފައިވާ ފަރާތްތަކަށް ކާރު ޕާކު ކުރާނެ ޖާގަ ދޫކުރަން ހައުސިންގ ޑެެވެލޮޕްމެންޓް ކޯޕަރޭޝަން (އެޗްޑީސީ)ން ހުޅުވާލައިފިއެެވެ.
އެޗްޑީސީން ކުރި އިއުލާނެއްގައި ބުނީ، އެ އިމާރާތްތަކުން ޕާކިންގ ޖާގަ ދޫކުރުމަށް ނިންމާފައި ވަނީ ދެ މޮޑަލްއެއްގެ ދަށުން ކަމަށެވެ.
މިގޮތުން އިމާރާތުގެ ތެރެއިން، ކާރު ރެޖިސްޓްރީ ކުރުމުގެ ހުއްދައާއެކު ޖުމްލަ 76 ޖާގައަކާއި، އިމާރާތުގެ ބޭރުން ހަމައެކަނި ޕާކް ކުރުމުގެ ބޭނުމަށް 78 ޕާކިންގ ޖާގަ ދޫކުރުމަށް ނިންމާފައިވާ ކަަމަށް ބުނެފައިވެއެވެ.
ޕާކިންގ ޖާގައަށް އެދި ހުށަހެޅުމުގެ ޝަރުތުތައް:
– ވިނަރެސް ފްލެޓް ގަތުމުގެ އެއްބަސްވުމުގައި ސޮއިކޮށްފައިވާ މައި-އެޕްލިކަންޓަށް ވުން
– އެ ކޯޕަރޭޝަނަށް ޑިސެމްބަރު 5ގެ ނިޔަލަށް އެއްވެސް ފައިސާއެއް ދައްކަންޖެހި، އެ ފައިސާ ނުދައްކާ ހުރި މީހަކަށް ނުވުން
އެޗްޑީސީން ބުނިގޮތުގައި، ކޮންމެ މީހަކަށްވެސް ދޫކުރެވޭނީ ޕާކިންގ އެއް ޖާގައެވެ. އަދި ޕާކިންގ ޖާގައަކީ ފްލެޓް ގަތުމުގެ އެއްބަސްވުމުގެ ދަށުން ދޫކުރެވޭ ޖާގައެއް ކަންވެސް ފާހަގަކޮށްފައިވެއެވެ.
އިމާރާތުގެ ތެރެއިން، ބީލަމުގެ އުސޫލުން ޕާކިންގ ޖާގަތައް ވިއްކަން ނިންމާފައިވާ ގޮތުގެ ތަފްސީލު؛
* ބީލަން ފެށޭ އަގަކީ 650،000ރ
* ޕާކިންގ ޖާގަ ގަންނަ މީހުންނަށް މި ޖާގައިގައި ކާރު ރަޖިސްޓްރީ ކުރުމުގެ ހުއްދަ ދޫކުރެވޭ
* މެބީލަން ކާމިޔާބު ކުރާ މީހުންނަށް ޕާކިންގ ޖާގައިގެ ޖުމްލަ އަގު ދެއްކުމަށް 30 ދުވަހުގެ މުއްދަތެއް
މާރާތުގެ ބޭރުން ހަމައެކަނި ޕާކް ކުރުމުގެ ބޭނުމަށް ޕާކިންގ ޖާގަތައް ކުއްޔަށް ދޫކުރުމަށް ނިންމާފައިވާ ގޮތުގެ ތަފްސީލު؛
* ބީލަން ފެށޭ އަގު މަހު ކުލީގެ ގޮތުގައި 2،000ރ
* ޕާކިންގ ޖާގަ ކުއްޔަށް ދޫކުރެވޭނީ ފަސް އަހަރަށް
* ސެކިއުރިޓީ ޑެޕޮސިޓްގެ ގޮތުގައި މަހު ކުލީގެ ގޮތުގައި ހުށަހަޅާފައިވާ އަދަދަދަށްވާ ތިން މަހަށް ވާ ފަައިސާ ދެއްކުމަށް ހަތް ދުވަހުގެ މުއްދަތެއް ދޭނެ
* ޕާކިންގ ޖާގަ ދޫކުރެވޭނީ ހަމައެކަނި ޕާކް ކުރުމުގެ ބޭނުމުގައި. އަދި މި ޖާގަތަކުގައި ރަޖިސްޓްރީ ކުރުމުގެ ހުއްދަ ނުދެވޭނެ
އެޗްޑީސީން ބުނީ، މިކަމަށް ޝައުގުވެރިވާ މީހުން، ބީލަމުގެ އުސޫލުން ކާރު ޕާކިންގ ޖާގަ ގަތުމަށް ނުވަތަ ކުއްޔަށް ހިފުމަށް އެދި ހުށަޅާނީ އޮންލައިން ޕޯޓަލް މެދުވެރިކޮށް ކަމަށެވެ.
މި ފުރުސަތު އިއްޔެއިން ފެށިގެން ޑިސެމްބަރު މަހުގެ ފަސް ވަނަ ދުވަހުގެ ނިޔަލަށް އެޗްޑީސީން ވަނީ ހުޅުވާލައިފައެވެ.
